राजेंद्र पाटील राऊत
किकवारीच्या “सट्टा किंगला” पोलिस किक मारणार कधी?आदर्श गावाची सट्टा मटकामुळे होतेय सर्वत्र नालस्ती…!
(राजेंद्र पाटील राऊत युवा मराठा न्युज नेटवर्क)
कधी एकेकाळी आदर्श गावाची ख्याती मिळवून नावलौकिकास पात्र ठरलेल्या किकवारी (खालचे) जोरण या गावाशेजारी सध्या सट्टा मटकाकिंगचा पोलिस प्रशासनाच्या आशिर्वादाने मोठा धुमाकूळ सुरु असून,वरिष्ठांना मात्र त्याची कर्णापकर्णीही खबर नसल्यामुळे या सट्टा मटका किंगच्या या अवैध व्यवसायामुळे किकवारी गावाचे नाव आदर्श ऐवजी सट्टा मटका किंगची पंढरी म्हणून बदनाम होते किंवा काय अशीही शंका आता जाणकार नागरिक उपस्थित करीत आहेत.
वास्तविक पाहता किकवारी या गावाच्या आसपास असणाऱ्या विरगांव,वनोली,मुंगसे,मुल्हेर,तळवाडे,जोरण,जाखोड आदी भागातून गोरगरीब आदिवासी मोलमजूर आपली कष्टाची केलेली कमाई क्षणिक लोभापायी या सट्टा मटका सारख्या जुगारात हरत असून,पोलिस प्रशासनाने मात्र या प्रकाराकडे साफ दुर्लक्ष केल्याचे एकंदरीत चित्र असून,आता वरिष्ठ पोलिस अधिकाऱ्यांनीच या सट्टा मटका किंगचा खुलेआम सुरु असणारा हा अड्डा तात्काळ बंद करुन त्याचा बिमोड करावा अशी मागणी आता पुढे येत आहे.गोरगरीब आयाबहिणीचा तळतळाट व बरबाद होणारी घरे या दृष्ट चक्रातून कायमची मुक्त करावीत अशी मागणी जाणकारांनी बोलून दाखविली आहे.
