Anshuraj patil
पोलीस निरीक्षक सुरेश निंबाळकर यांच्या मार्गदर्शनात टेम्भुर्णी पोलिसांनी 3 चोरांना 4 तासात केले गजाआड युवा मराठा न्यूज नेटवर्क सोलापूर जिल्हा प्रतिनिधी महादेव घोलप.
सोलापूर,
टेम्भुर्णी- दिनांक 31/8/21 रोजी सकाळी 11:00 वा दरम्यान फायनान्स कर्मचारी फिर्यादी सुरज संजय वाघमारे रा कुर्डुवाडी हे हरिनगर बेंबळे येथील महिला बचत गटाची 28,800/- रोख रक्कम एक सॅमसंग कंपनीचा टॅब व एक बायोमेट्रिक मशीन असे एकूण 39800/- रुपये किमतीचा मुद्देमाल असलेली बॅग घेऊन मौजे माळेगाव येथे जात असताना मिटकलवाडी चौकात 3 अनोळखी इसम विना नंबरची सिल्वर रंगाची शाइन मोटरसायकल आले व त्यांनी सूरज वाघमारे यांना काळ्या पाईपाने बेदम मारहाण केली व फिर्यादी जवळ असणारी मुद्देमालाची बॅग जबरदस्तीने हिसकावून घेऊन पसार झाले.
संबंधित घटने नंतर सुरज वाघमारे यांनी टेम्भुर्णी पोलीस स्टेशन येथे धाव घेतली व सविस्तर घटना सांगितली संबंधित घटनेनुसार टेम्भुर्णी पोलीस ठाणे येथे गु.र.नं-570/2021 भादंवी कलम 394,34 प्रमाणे गुन्हा नोंद करण्यात आला.
सदर गुन्हा टेम्भुर्णी पोलीस ठाणे येथे दाखल होताच टेम्भुर्णी पोलीस स्टेशनचे नवीन पोलीस निरीक्षक सुरेश निंबाळकर यांच्या मार्गदर्शनाखाली टेम्भुर्णी पोलीस ठाणेमधील गुन्हे प्रकटीकरण पथकाचे पोलीस उपनिरीक्षक पी.व्ही.काशीद सोबत पो.शि बाळराजे घाडगे व पो.शि तुकाराम माने-देशमुख यांना मिळालेल्या गुप्त माहितीच्या आधारे व कौशल्य पूर्ण तपास करून मौजे माळेगाव ता माढा येथील इसम नागनाथ सुनील कोडक, रा माळेगाव याला ताब्यात घेऊन विचारपूस केली असता त्याने इतर दोन साथीदार यांची नावे सोमनाथ हनुमंत शिंदे , तेजस नागेश पवार दोघे राहणार बेंबळे ता माढा सोबत मिळून सदर गुन्हा केल्याची कबुली दिल्याने तीनही गुन्हेगारांना सदर गुन्ह्यात तातडीने अटक करण्यात आली.
सदर आरोपी यांची संबंधित पोलीस कर्मचारी यांनी अंगझडती घेतली असता संबंधित मालमत्तेपैकी रोख रक्कम 11200/- रु व तीन मोबाईल असा हस्तगत करण्यात आला.
सदर गुन्ह्याची कार्यवाही अवघ्या 4 तासात मा.तेजस्विनी सातपुते (पोलीस अधीक्षक सोलापूर ग्रामीण) मा.अतुल झेंडे (अप्पर पोलीस अधीक्षक) डॉ.विशाल हिरे (उपविभागीय पोलीस अधिकारी करमाळा) मा.सुरेश निंबाळकर (पोलीस निरीक्षक टेम्भुर्णी) यांच्या मार्गदर्शनाखाली पोलीस उपनिरीक्षक पी.व्ही.काशीद पो.शि/1373 बाळराजे घाडगे व पो.शि/711 तुकाराम माने देशमुख तसेच सायबर विभागाचे पो.ना/222 मोरे व पो.शि/1182 जाधव यांनी केली आहे सदर गुन्ह्याचा पुढील तपास पोलीस उपनिरीक्षक काशीद करत आहेत.
