🛑 खेड तालुक्यातील चोरवणे-निवे गावात पावसाने माजवला हाहाकार,अनेक पूल गेले वाहून 🛑

🛑 खेड तालुक्यातील चोरवणे-निवे गावात पावसाने माजवला हाहाकार,अनेक पूल गेले वाहून 🛑
✍️ खेड 🙁 विजय पवार महाराष्ट्र प्रतिनिधी युवा मराठा न्युज )

खेड- खेड पासून चोरवणे गाव ६५ किलोमीटर अंतरावर वसलेले आहे.अतिशय दुर्गम आणि डोंगराळ भाग आहे आणि या भागात कायम अतिवृष्टी होत असते.

२२ जुलै रोजी संध्याकाळी ४ वाजता अतिवृष्टीमुळे अचानक गडकरवाडी येथील धोकादायक डोंगर खचला माती, दगड ,मोठी झाडे घरासमोर आली आहेत. संपूर्ण शेती मातीखाली गेली आहे.

निवे गावात जाण्यासाठी असणारा गारवणे पुल वाहून गेला आहे, निवे आणि चोरवणे गावाचा पूर्णपणे संपर्क तुटला आहे. चोरवणे पासुन निवे करीता जाणार्‍या मार्गावरती तिन ठिकाणी रस्त्याचे भुसख्खलन होऊन दरडी कोसळल्यामुळे वाहतुक पुर्णतः बंद झाली आहे. चोरवणे डांगेवाडी, हनुमंतवाडी, सुतारवाडीकडे जाणारा पायरोहणे नदीवरील पूल वाहून गेला आहे. तसेच सापीर्ली सीमेचेवाडीला जोडणारा नदीवर पूल वाहून गेला आहे.

त्यामुळे पूर्णपणे संपर्क तुटला आहे. चोरवणे गडकरवाडी आणि उतेकरवाडी असा जोडणारा पूल खचला आहे आणि धोकादायक झाला आहे.

शासनाने या परिस्थितीची पाहणी करून लवकरात लवकर शेतकऱ्यांना मदत करावी अशी मागणी चोरवणे निवे ग्रामस्थ करत आहेत.⭕