पेठवडगांव (प्रतिनिधी) कोरोना महामारीत जीवाची बाजी करून अहोरात्र कर्तव्य पार करणाऱ्या वडगांव पोलीस दलाला येथील प्रतिष्ठित व्यापारी हिरालाल राठोड सोशल फोऊंडेशन यांच्या वतीने सॅनिटायझर, मास्क व पिण्याच्या पाण्याच्या बाटल्या वाटप करण्यात आल्या.दरम्यान प्रतिष्ठीत व्यापारी कुमार राठोड यांच्या हस्ते वडगांव पोलीस ठाण्याचे पोलीस निरीक्षक संतोष घोळवे यांच्या कडे सुपूर्त करण्यात आले.उपक्रमा प्रसंगी पत्रकार संजयबाबा दबडे उपस्थित होते.
पेठ वडगांव व परिसरावर आलेल्या आस्मानी सुलतानी संकटात व्यापारी हिरालाल राठोड आणि त्यांचे सुपुत्र कुमार व विकास राठोड यांचा सहभाग असतो.वडगांववासीयांच्या वर आलेल्या पाणीबाणी संकटात लाखो रुपयांची मदत देऊन थेट नळपाणी पुरवठा योजनेला साथ दिली होती.शहरातील विविध भागात पिण्याच्या पाण्यासाठी पाणपोईची सोय करण्यात राठोड कुटूंबियांचा मोलाचा वाटा आहे.रंजल्या गांजल्याना आर्थिक ,मानसिक मदत करून पुण्याचे काम करीत आहेत.कोरोनाच्या महामारीत भुकेल्याना अन्न धान्य देण्याचा उपक्रम हाती घेतला असल्याचे कुमार राठोड यांनी सांगितले.
