राजेंद्र पाटील राऊत
गुढीपाडव्याच्या शुभमुहूर्तावर रामेश्वर कृषी उत्पन्न मार्केट ची नवीन निर्मिती करण्यात आली .
प्रतिनिधी= प्रवीण अहिरराव /युवा मराठा न्युज नेटवर्क
उमराणे=देवळा तालुक्यातील उमराणा देवळा रस्त्यालगत असलेल्या खारीपाडा येथे गुढीपाडव्याच्या शुभमुहूर्तावर दिनांक=13/4/2021 रोजी सुरू करण्यात आलेल्या रामेश्वर कृषी उत्पन्न बाजार समितीत भाऊसाहेब पांडुरंग सूर्यवंशी या शेतकऱ्यांनी लिलावासाठी आणलेल्या मुहूर्ताच्या बैलगाडी तील गावठी कांद्यास गजानन आडतचे संचालक संजय देवरे यांनी सर्वोच्च दराने बोली लावत 2121 रुपये दराने कांदा माल खरेदी केला.
तत्पूर्वी व्यापारी असोशियन चे जिल्हाध्यक्ष सोहनलाल भंडारी यांच्या हस्ते शुभारंभ करण्यात आला यावेळी बाजारात उमराणे गावापासून अवघ्या दोन ते तीन किलोमीटर अंतरावर असलेल्या महात्मा फुले नगर खारीपाडा येथे खाजगी मार्केट साठी मोठ्या प्रमाणात जागा उपलब्ध असल्याने कृषी उत्पन्न बाजार समितीचे संचालक पुंडलिक देवरे व श्रीपाल ओस्तवाल यांनी शेतकऱ्यांच्या मालाला रास्त भाव मिळावा व शेतकऱ्यांना सुविधा उपलब्ध व्हाव्यात यासाठी प्रशस्त जागेत रामेश्वर कृषि उत्पन्ना मार्केट ची निर्मिती केली . तसेच उमराणे ,चांदवड ,लासलगाव, पिंपळगाव ,देवळा, कळवण, येथील व्यापारी बहुसंख्येने उपस्थित होते.