अवताडे निवडणूक रिंगणात कायम

राजेंद्र पाटील राऊत

अवताडे निवडणूक रिंगणात कायम
युवा मराठा न्यूज नेटवर्क सोलापूर जिल्हा प्रतिनिधी महादेव घोलप.
सोलापूर.
सोलापूर जिल्ह्यातील पंढरपूर मंगळवेढा विधानसभा पोनिवडणुकीचे बिगुल वाजले

पंढरपूर -मंगळवेढा विधानसभा पोटनिवडणूकिसाठी आज 11 जणांनी आपले उमेदवारी अर्ज माघारी घेतले आहेत. तर सिद्धेश्वर अवताडे यांचा उमेदवारी अर्ज कायम राहिल्याने भाजपला धक्का बसला आहे. तर माजी उपनगराध्यक्ष नागेश भोसले, माऊली हळनवर यांनी आपले अर्ज माघारी घेतले आहेत.

पंढरपूर पोटनिवडणूकिसाठी 38 उमेदवारी अर्ज दाखल झाले होते. त्यापैकी छाननीत 8 अर्ज अवैध ठरले होते. वैध 30 अर्जापैकी 11जणांनी आपले अर्ज माघारी घेतले आहेत. तर 19 उमेदवार निवडणूक रिंगणात कायम राहिले आहेत.

संपूर्ण जिल्ह्याचे लक्ष लागून राहिलेल्या सिद्धेश्वर अवताडे यांचा उमेदवारी अर्ज कायम राहिल्याने भाजपला हा मोठा धक्का मानला जात आहे. यामुळे भाजपचे उमेदवार समाधान अवताडे यांच्या समोरील अडचणी वाढल्या आहेत. तर अपक्ष शैला गोडसे, स्वाभिमानी शेतकरी संघटनेचे उमेदवार सचिन पाटील यांचे अर्ज राष्ट्रवादी चे उमेदवार भगीरथ भालके यांच्यासाठी डोकेदुखी ठरणार आहेत.

एकूणच उमेदवार अर्ज माघारी घेतल्यानंतर निवडणुकीचे चित्र स्पष्ट झाले असून राष्ट्रवादी चे भगीरथ भालके, भाजपचे समाधान अवताडे, अपक्ष सिद्धेश्वर अवताडे यांच्यात तिरंगी लढत रंगणार आहे. तर स्वाभिमानीचे सचिन पाटील, अपक्ष शैला गोडसे यांना किती मते पडतात यावरही निवडणुकीचे गणित अवलंबून आहे.