राजेंद्र पाटील राऊत
नायगाव तालुक्यातील बेटक बिलोली येथे अंगणवाडी खाऊचे रिकामी पाकीट सापडल्याने बालविकास अधिकाऱ्यांनी केला पंचनामा देगलूर,(संजय कोकेंवार प्रतिनिधी युवा मराठा न्युज नेटवर्क)– नायगाव तालुक्यातील बेटक बिलोली ते मुस्तापूर या रस्त्यात बेटकबिलोली शिवारातील नदीपात्रात गरोदर मातासाठी येणाऱ्या खाऊ ची रिकामी पाकिटे आढळून आल्याने एकच खळबळ उडाली आहे. खाऊवाटपात सुरु असलेला भ्रष्टाचार असल्याचा उघडकीस पहावयास मिळाले. बेटकबिलोली शिवारात ही पाकिटे नष्ट करण्याच्या उद्देशाने नदीपात्रात दोन पोत्यामध्ये बांधून फेकण्यात आली होती. पण ती पोती वाहून न जाता नदीच्या किनारी आढळून आली असुन, एकूण 200 च्या वर रिकामी पाकिटे त्या पोत्यामध्ये सापडल्याने एकच सावळा गोंधळ दिसून आला आहे. या घटनेचे वृत्त समजताच नायगावचेC.D.P. Oने पंचनामा केला असता, हा खाऊ नायगाव तालुक्यात वाटप झालाच नाही. तर ही पाकिटे आली कुठून याचा शोध घेणे चालू आहे. या पाकिटामध्ये गहू ,चना, मसूरडाळ ही दिसून आल्याने या प्रकरणाची कसून चौकशी होणार आहे.असे नायगावचे CDPO ने राजुरे साहेबांनी सांगितले आहे. नायगाव तालुक्यात फेब्रुवारी महिन्याअखेरीस खाऊचे वाटप झालेच नाही पण सदर रिकामी पाकिटे कोणत्या तालुक्याचे आहेत यामागचे गोडबंगाल काय आहे. याकडे सर्वांचे लक्ष लागले असून, राजूरे साहेबांनी तालुक्यातील सर्व अंगणवाडी सेविका, मदतनीस, गरोदर माता यांची कसून चौकशी केली जाईल असे सांगण्यात आले आहे. हे भ्रष्टाचार जे कोणी केले आहे, त्यांची गय केली जाणार नाही त्यांच्यावर योग्य ती कारवाई करण्यात येईल. असे बोलण्यात आले आहे.
