राजेंद्र पाटील राऊत
भव्य सर्वधर्मीय सामुदायिक विवाह सोहळा मालेगाव
प्रतिनिधी /सतिश घेवरे मालेगांव युवा मराठा न्युज नेटवर्क
मालेगांव मा.ना.श्री.दादाजी भुसे कृषीमंत्री, महाराष्ट्र राज्य यांच्या मार्गदर्शनाने या आधीही सामुदायिक विवाह सोहळे आयोजित केले आहे. या वर्षी कोरोनामुळे मध्यम वर्गीयांना आर्थिक तुटवडा निर्माण झाल्याने त्यांना विवाह सोहळे पार पाडण्यास आर्थिक समस्या येत आहे.
यावर ना.दादाजी भुसे यांनी तोडगा म्हणून हिंदुहृदयसम्राट शिवसेनाप्रमुख वंदनीय बाळासाहेब ठाकरे कन्यादान योजनेअंतर्गत, यंदाही इच्छुकांसाठी दि.26 एप्रिल 2021 रोजी सोहळ्याचे आयोजन करण्याचा निर्णय घेतला आहे. याअंतर्गत जर आपल्या कुटूंबामध्ये आपल्या पाल्याचा विवाह जमला असेल तर त्यांनी शिवसेना संपर्क कार्यालय मालेगांव येथे संपर्क साधून नोंदणी करावी. मालेगांव तालुक्यातील कोणीही इच्छुक व्यक्ती या सर्वधर्मीय सोहळ्यात सहभागी होऊ शकतात.
अनुसूचित जाती (नवबौद्धांसह) विमुक्त जाती, भटक्या जमाती (धनगर व वंजारीसह) विशेष मागास प्रवर्गातील आर्थिक कमकुवत असलेल्या मागासवर्गीय कुटुंबातील सामुहिक विवाह सोहळ्यामध्ये सहभागी होणाऱ्या जोडप्यास एकूण रु.20,000/-(मणीमंगळसूत्र व संसारोपयोगी साहित्य यासाठी) इतकी रक्कम तर आदिवासी बांधवांसाठी एकूण रु.10,000/-इतकी रक्कम वधूचे वडील, आई किंवा पालकांच्या अधोरेखित धनादेशाद्वारे (क्रॉस चेकने) लग्नाच्या दिवशी देण्यात येईल.
वधू व वर यांच्या प्रथम विवाहासाठीच अनुज्ञेय असेल. तसेच सदरील योजनेचा लाभ विधवा महिलेस दुसऱ्या लग्नाकरिता देखील अनुज्ञेय राहील.