आशाताई बच्छाव
वाशिम जिल्हा खाजगी शाळा शिक्षकेतर संघटनेची जिल्हा कार्यकारणी गठीत
वाशिम, गोपाल तिवारी ब्युरो चीफ –जिल्हा शिक्षकेतर संघटनेची नव्याने जिल्हा कार्यकारणी गठीत करण्यात आली असून त्यामध्ये संघटनेचे जिल्हाध्यक्ष अविनाश पसारकर कार्यक्रमाच्या अध्यक्षस्थानी होते प्रमुख उपस्थितीमध्ये जिल्हा सचिव रामराव कायंदे कार्याध्यक्ष कैलास ढवळे उपाध्यक्ष विष्णुपंत बाजड तसेच जिल्ह्यातील सर्व तालुक्याचे जिल्हा अध्यक्ष व सचिव यांची उपस्थिती लाभली. सर्वप्रथम मान्यवराच्या हस्ते सरस्वतीचे पूजन करण्यात आले कार्यक्रमाचे प्रास्ताविक जिल्हा सचिव रामराव कायंदे यांनी केले व नवीन जिल्हा कार्यकारिणीची पुढील प्रमाणे निवड करण्यात आली.
नवनियुक्त जिल्हाध्यक्ष म्हणून सर्वानुमते कैलास ढवळे यांची निवड करण्यात आली तर रामराव कायंदे यांची जिल्हा सचिव म्हणून निवड करण्यात आली. तर कार्याध्यक्षपदी प्रफुल्ल काळे जिल्हा उपाध्यक्ष आनंद पेंटे जयंत सरनाईक महादेव धुळधुळे सहसचिव निलेश मस्के कोषाध्यक्ष अमोल मोहळे तर जिल्हा संघटक पदावर गजानन इंगोले,कैलास बोरचाटे,संजय लहाने,मनोज चाकोलकर,दत्तात्रय गारुळे,सौ स्मिता इंझाळकर तर प्रसिद्धी प्रमुखपदी ओंकार गिरी यांची निवड झाली.
वरील नवनियुक्त सर्व जिल्हा पदाधिकाऱ्यांचे स्वागत करण्यात आले. कार्यक्रमाला जिल्हाभरातून जवळपास २०० शिक्षकेतरांची उपस्थिती होती होती कार्यक्रमाचे सूत्रसंचालन रमेश पडघान यांनी केले तर आनंद पेंटे यांनी आभार मानले
