आशाताई बच्छाव
शिक्षकेतर संघटनेच्या कार्याध्यक्षपदी प्रफुल्ल काळे
वाशीम,(दि२८ गोपाल तिवारी ब्युरो चीफ) महाराष्ट्र राज्य खासगी शाळा शिक्षकेतर संघटनेच्या जिल्हा कार्याध्यक्षपदी प्रफुल्ल काळे यांची अविरोध निवड करण्यात आली आहे.
राज्यातील शिक्षकेतर कर्मचाऱ्यांच्या हितासाठी सातत्याने कार्य करणाऱ्या महाराष्ट्र राज्य खासगी शाळा शिक्षकेतर संघटनेच्या नुतन जिल्हा कार्यकारिणीच्या निवडीसाठी आज वाशीम येथील शिवाजी शिक्षण संस्थेच्या कार्यालयात सभा शिक्षकेतर संघटनेचे माजी जिल्हाध्यक्ष अविनाश पसारकर यांच्या मार्गदर्शनाखाली सभा पार पडली. या सभेत श्रीमती राधादेवी बाकलीवाल कन्या विद्या निकेतनचे कर्मचारी प्रफुल्ल काळे यांची संघटनेच्या जिल्हा कार्याध्यक्षपदी अविरोध निवड करण्यात आली आहे. यावेळी बोलताना प्रफुल्ल काळे यांनी मी अविनाश पसारकर व विनायक उज्जैनकर यांच्यासारख्या अभ्यासु व आक्रमक नेतृत्वाखाली तयार झालेला कार्यकर्ता असून जिल्ह्यातील शिक्षकेतर कर्मचार्यांवर होणाऱ्या अन्यायाविरुद्ध सातत्याने कार्यरत राहील अशी प्रतिक्रिया व्यक्त केली.
