आशाताई बच्छाव
स्पार्क फाऊंडेशन कडून शैक्षणिक साहित्याचे वाटप पालघर :सौरभ कामडी -शैक्षणिक वर्ष सुरू झाले की मुलांना नवीन कपडे , पुस्तके, बूट शासनाकडून मिळतात . मात्र लेखन साहित्य पालकांना बाजारातून विकत घ्यावे लागते , ग्रामीण भागातील मोलमजुरी करणारे, पालक वर्षभराच्या मजुरीतून साठवलेले पैसे पेरणीच्या आणि शेतीच्या कामासाठी वापरतात मग मुलांना असे महागडे साहित्य कुठून घेणार . हीच अडचण शाळेचे मुख्याध्यापक श्री. दिनकर फसाळे यांनी ग्रामीण भागात शैक्षणिक काम करणारी स्पार्क फाऊंडेशन चे अध्यक्ष . मकरंद दिक्षित , नितीन पिठोले यांच्या लक्षात आणून दिली. आणि आज दिनांक 20/06/20250 रोजी जिल्हा परिषद शाळा कोचाळे येथे शाळेतील एकूण 126 मुलांना , दुरेघी, चार रेघी, बॉक्स , चित्रकला वह्या, अंकलीपी, आणि पेन, पेन्सिल, खोडरबर, शॉपनर, रंगखडू , कंपास पेटी, इत्यादी वर्षभर पुरेल एवढ शैक्षणिक साहित्य वाटप करण्यात आले . प्रसंगी स्पार्क फाऊंडेशन चे जिल्हा प्रमुख नितीन पिठोले, शाळेचे सर्व शिक्षक आणि विद्यार्थी उपस्थित होते . स्पार्क फाऊंडेशन चे हे शैक्षणिक कार्य ग्रामीण भागातील विद्यार्थ्यांच्या शैक्षणिक कामात गेल्या तीन चार वर्षापासून हातभार लावत आहे .
