आशाताई बच्छाव
वाळू माफियाची दादागिरी! तहसीलदार यांना अश्लील शिवीगाळ करत जिवे मारण्याची धमकी! तामगाव पो.स्टेशन येथे गुन्हा दाखल
सहसंपादक युवा मराठा स्वप्निल देशमुख
संग्रामपूर :- संग्रामपूर तालुक्यात अवैध वाळू तस्करी जोरात सुरु आहे. त्याला आळा घालण्यासाठी तहसीलदार आपल्या पद्धतीने कामे करत आहेत. मात्र दि.१२ मे रोजी रात्री ११ वाजताच्या सुमारास ग्राम भोन जवळील पुर्णा नदीचे पात्रात अवैध रेती उत्खनन व वाहतुक रोखण्यासाठी महसुल पथक प्रदीप सुभाष नलावडे, ग्राम महसुल अधिकारी, अशिष खुशाल सेवेकर ग्राम महसुल अधिकारी, अविनाश रतन खरे ग्राम महसुल अधिकारी, गौरव रविद्र पाटील ग्राम महसुल अधिकारी, ग्राम पंचायत भोन शिपाई सुरेश आनंदा वानखडे, ग्राम भोन येथील सरपंच श्रीकृष्ण विश्वनाथ तराळे यांच्यासह नदी पात्रात गेले. नदी पात्रात फेर फटका मारत असतांना एक ट्रॅक्टर तहसीलदार व त्यांच्या पथकाला पाहुन पळुन जाण्यास यशस्वी झाला. तसेच त्या ठिकाणी तीन ईसम संशयास्पद रित्या वाळुच्या ढिगाऱ्या जवळ हातात टोपले आणि फावडे घेवुन आढळून आले. त्यांचे कडे एक दोनचाकी वाहन हिरो स्प्लेंडर एम.एच २८ बी.एक्स ७२६६ उभी होती. तहसीलदार प्रशांत पाटील त्यांना नाव विचारले असता त्यामधील दोघांनी त्यांचे नाव सागर उमाळे व नामदेव थारकर दोन्ही रा. पहुरपुर्णा असे सांगीतले. तिस-या ईसमास त्याचे नाव विचारले असता त्याने नाव सांगण्यास नकार दिला. त्यांना एवढ्या रात्री नदी पात्रात काय करता असे विचारले असता सागर उमाळे याने अश्लील शिवीगाळ करत नदी काय तुमच्या बापाची आहे काय?तुम्ही नदीत कसे काय आले आम्ही शेगांव कडे रेती वाहतुक करतो आमचा संग्रामपुरचा काहीही संबंध नाही असे सांगितले. तसेच नामदेव थारकर याने सुद्धा शिवीगाळ करत दम असेल तर १० मीनीट येथेच थांबा तुम्हाला विना नंबरचे वाहनाने चिरडतो. तुमच्यावर खोटे विनयभंगाचे आणि अॅट्रॉसिटीचे गुन्हे दाखल करतो अशी धमकी देवुन दोनचाकी गाडीवर निघुन गेले. तरी यातील सागर उमाळे व नामदेव थारकर दोन्ही रा.पहरपुर्णा व एक अनोळखी इसम यांनी तहसीलदार व महसुल पथकातील कर्मचारी यांना अश्लिल भाषेत शिवीगाळ करून जिवाने मारण्याची व खोटे विनयभंगाचे आणि अॅट्रॉसिटीचे गुन्हे दाखल करतो. असे धमकी देवुन शासकीय कामात अडथळा निर्माण केला आहे. त्या प्रकरणी तहसीलदार यांनी दिलेल्या तक्रारीवरून तामगाव पो.स्टेशन येथे भारतीय न्याय संहिता (बीएनएस) २०२३ नुसार २९६, २२१, ३५१(२), ३५१(३), ३(५) नुसार गुन्हा दाखल करण्यात आला असून पुढील तपास तामगाव पोलीस करत आहे.
