आशाताई बच्छाव
मातोश्री लक्ष्मीबाई रखमाजी राऊत पाटील….
(मातृदिनानिमित काही आठवणीतलं)
आज ११ मे जागतिक मातृदिन! त्यानिमित्त माझ्या आईबाबत असलेल्या काही आठवणी शब्दबद्ध करण्याचा हा अल्पसा शब्दप्रवास..
माझ्या आईचे म्हणजे अक्काचे माहेर मालेगाव तालुक्यातील कौळाणे (निं) तर आईच्या मामाचे गाव कौळाणे जवळील व-हाणे हे असल्याने साहजिकच आईचे बालपणी या गावाला जाणे येणे होते.व तेथील आईचे मामा सुध्दा सणासुदीला व सुख दुःखाला सदैव येऊन जाऊन होते.पुढे माझ्या आईचा विवाह झाला आणि अहिल्या नगर जिल्ह्यातील ब्राम्हणी या गावी माझी आई लक्ष्मीबाई रखमाजी राऊत पाटील या नवीन नावाने ओळख घेऊन संसाराला लागली.माझे वडील कै.रखमाजी भाऊसाहेब राऊत पाटील हे अहिल्यानगर जिल्ह्यातीलच श्रीरामपूर येथे महाराष्ट्र शासनाच्या सेवेत नोकरीला होते.अगदी सुखा समाधानाचा संसार प्रपंच सुरू असताना माझ्या पेक्षा दोन मोठ्या भावाचे निधन झाले.त्यानंतर एका बहिणीचा जन्म झाला.आणि नंतर मग माझा जन्म २० आँक्टोबर १९७१ या दिवाळीच्या सणासुदीला झाला.मात्र संसार सुख माझ्या आईच्या नशिबी जास्तनव्हतेच, दुर्दैवाची घटना अशी घडली की,माझे वडील रखमाजी भाऊसाहेब राऊत पाटील यांचे ड्यूटीवर असताना अचानक हृदयविकाराच्या झटक्याने निधन झाले.तो दिवस होता २० आँक्टोबर १९७३ या दिवशी आमच्या सुखी संसाराची राखरांगोळी झाली.व माझ्या आईवर दुःखाचा डोंगर कोसळला.आणि आईला पुन्हा कौळाणेचा माहेरचा रस्ता धरावा लागला.त्यावेळी मी तर अवघा दिड दोन वर्षांचा होतो.कौळाणे गावी आल्यावर माझ्या आईला अतोनात संघर्षाचा सामना करावा लागला.नातेवाईक तर साले भामटे कुणीही आईच्या मदतीला उभे राहिले नाहीत.आईने अनेक रात्री मला कुशीत घेऊन झोपताना रडून काढल्याचे मला अजूनही चांगलेच आठवते.मी खुप शिक्षण घ्यावे व नाव कमवावे हे माझ्या आईचे स्वप्न.! त्यासाठी तीने अपार कष्ट केलेत.अखेरच्या श्वासापर्यंत तिचा संघर्ष मला घडविण्यासाठी सुरुच होता.मला जेव्हा थोडे फार कळायला लागले तेव्हा मी माझे जीवन पत्रकारितेच्या माध्यमातून समाजसेवेसाठी उपयोगी आणण्याचा निर्धार केला आणि त्यानुसार पुढे हेच क्षेत्र निवडले.माझ्या अत्यंत वाईट काळात व दुःखाच्या प्रसंगात मला अगदी भरभरून साथ दिली ती व-हाणेतील माझ्या आईच्या मेव्हणभाऊ असलेल्या दादाजी रतन शेवाळे या व्यक्तीने व त्याची मुलगी आशाबाई तथा अक्का हे माझ्या पाठीशी खंबीरपणे उभे राहिलेत.मला कधीच परकेपणाची जाणीव होऊ दिली नाही.त्यामुळेच मी आज ठामपणे व निर्भिडपणे उभा आहे.आई गेल्यावर अनेक संकटे आलीत. दुःखाना सामोरे गेलो.पण…हिमंत कधीच हरलो नाही.आईची शिकवण जिद्द, हिंमत आत्मविश्वास असल्यावर काहीच कमी पडत नाही हे शब्द नेहमीच स्मरण म्हणून आजही कानात गुंजतात.त्याशिवाय आशाबाई अक्का हिचे नेहमीच लाभणारे मार्गदर्शन व खंबीरपणे पाठीशी उभी राहून देत असलेली साथ या जीवन जगण्याला बहुमोल आधार देऊन जाते…हेच माझे परमभाग्य आहे.
आज जागतिक मातृदिन त्यानिमित्त माझे जीवन घडविण्यासाठी अहोरात्र संघर्ष करणाऱ्या माझ्या आईच्या पावन स्मृतीस शत शत नमन व विनम्र अभिवादन!
राजेंद्र पाटील राऊत संस्थापक अध्यक्ष युवा मराठा महासंघ महाराष्ट्र,संस्थापक अध्यक्ष आश्रयआशा फाऊंडेशन व-हाणे , मुख्य संपादक युवा मराठा न्यूजपेपर्स अँन्ड वेब न्यूज चॅनल महाराष्ट्र
