आशाताई बच्छाव
तिसर्या राष्ट्रीय फेंटबॉल अजिंक्यपद स्पर्धा उत्साहात संपन्न
महाराष्ट्र संघाची विजयाची हॅट्रीक
जालना/प्रतिनीधी दिलीप बोंडे- फेंटबॉल असोसिएशन ऑफ इंडिया यांच्या मान्यतेने व राजस्थान फेंटबॉल असोसिएशन यांच्या वतीने आयोजीत तिसर्या राष्ट्रीय फेंटबॉल अजिंक्यपद स्पर्धा 2024 -25 सेंट लॉरेन्स पब्लीक स्कुल, जैतपुरा, जयपुर राजस्थान या ठिकाणी दि. 18 ते 20 एप्रिल 2025 दरम्यान उत्साहात संपन्न झाल्या.
सदर राष्ट्रीय स्पर्धेत देशभरातुन सात राज्यांचे जवळपास 150 ते 200 खेळाडु, पंच व तांत्रीक अधिकारी सहभागी झाले होते. स्पर्धेत सातत्यपुर्ण कामगीरी करत महाराष्ट्राचा संघ अजिंक्य राहीला, तर यजमान राजस्थानला दुसर्या स्थानावर समाधान मानावे लागले. पंजाब व उत्तरप्रदेश संघाना कामगीरीच्या आधारावर तिसरे स्थान विभागुन देण्यात आले तर उत्तराखंड संघ चौथ्या स्थानावर राहीला.
स्पर्धेचे उद्घाटन सेंट लॉरेन्स पब्लीक स्कुलचे संचालक डॉ. दिग्वीजय सिंग यांच्या हस्ते करण्यात आले. कार्यक्रमाच्या अध्यक्षस्थानी राजस्थान फेंटबॉल असोसिएशनचे अध्यक्ष अनिल कुमार चौधरी हे होते. यावेळी मंचावर फेंटबॉल असोसिएशन ऑफ इंडिया चे महासचिव शेख चाँद पी.जे., निरीक्षक शेख अहेमद, राजस्थानचे सचिव राजेंद्र योगी, शाळेच्या मुुख्याध्यापीका श्रीमती सिंग मॅडम यांची उपस्थिती होती. यावेळी बोलतांना डॉ. दिग्वीजय सिंग यांनी खेळाडुंना शुभेच्छा देवुन आंतरराष्ट्रीय स्पर्धा जयपुर येथे आयोजीत करण्याची ईच्छा व्यक्त करत फेंटबॉल खेळाच्या विकासासाठी सर्वतोपरी मदत करणार असल्याचे जाहिर केले. स्पर्धेच्या उद्घाटन प्रसंगी फेंटबॉल असोसिएशन ऑफ इंडियाचे अध्यक्ष खुशालसिंग राणा ठाकुर यांनी भ्रमणध्वनी वरून उपस्थित सर्व खेळाडु, पंच व तांत्रीक अधिकारी यांना शुभेच्छा दिल्या.
