आशाताई बच्छाव
बिबट्याने 12 बकऱ्यांचा पाडला फडशा; दीड लाखाचे नुकसान
युवा मराठा न्यूज बुलढाणा जिल्हा ब्युरो चीफ संजय पन्हाळकर
मोताळा तालुक्यातील गुळभेली शिवारातील घटना
बुलडाणा :- मोताळा मोताळा वनपरिक्षेत्र हद्दीतील गुळभेली शिवारात बिबट्याच्या हल्ल्यात 12 बकऱ्या ठार झाल्याची घटना सोमवार 21 एप्रिल रोजी सकाळी 6 वाजेच्या सुमारास उघडकीस आली. शेतकऱ्याचे दीड लाखाचे नुकसान झाल्याचा अंदाज वर्तविण्यात आला आहे.
तालुक्यातील गुळभेली शिवारात गट म. 8
मध्ये आत्माराम पंढरी दळवी यांची शेता टीनशेडचा गोठा बांधलेला आहे. 20 एप्रिलच्या रात्री त्यांनी नेहमीप्रमाणे गोठ्यामध्ये आपल्या बकऱ्या बांधून घरी गेले होते. दरम्यान 21 एप्रिलच्या सकाळी बिबट्याने टीनशेडच्या गोठ्यात जाळीतून गोठ्यात प्रवेश करीत अचानक हल्ला चढवित 7 बकऱ्या, 3 बोकड, 2 पिल्ले असे एकूण 12 जनावरांचा फडशा पाडला, तर 1 बोकडाचे पिल्लू जखमी केल्याने दळवी यांचे दीड लाखाचे नुकसान झाले आहे.
मोताळा वनविभागाचे वनपाल एस.एच. जगताप व वनरक्षक आर.बी.शिरसाट पशुवैद्यकीय अधिकारी डॉ.प्रतिक कोकाटे यांनी घटनास्थळाचा पंचनामा केला.
