आशाताई बच्छाव
मोखाडा तालुका पत्रकार संघाच्या अध्यक्षपदी वामन दिघा
पालघर : सौरभ कामडी
मोखाडा तालुका पत्रकार संघाची महत्त्वपूर्ण बैठक पार पडली असून या बैठकीत पत्रकार वामन दिघा यांची अध्यक्ष पदी बिन विरोध निवड करण्यात आली आहे यावेळी उपाध्यक्ष म्हणून मकरंद बात्रे, नामदेव ठोंबरे तर सचिव पदी रवींद्र साळवे आणि खजिनदार पदी पत्रकार भाऊ वैजल यांची नियुक्ती करण्यात आली आहे. दोन वर्षांपूर्वी मोखाडा तालुका पत्रकार संघाची स्थापन करण्यात आली यावेळी दरवर्षी वर्धापन दिनी एक लोकपोयोगी कार्यक्रम सुध्दा पत्रकार संघटनेकडून करण्यात येत असतो. तसेच पत्रकारांच्या वाढदिवसानिमित्त गरजू लोकांना मदत करणे रुग्णालयात फळ वाटणे आदी कार्यक्रम हाती घेण्यात येत असतात.
अध्यक्ष पदी निवड झालेले दिघा हे दैनिक पुण्यनगरी, प्रहार या मध्ये पत्रकार असून गेल्या कित्येक वर्षांपासून ते या क्षेत्रात कार्यरत आहेत. डीएड ची पदवी मिळवलेले दिघा काही दिवस शिक्षक म्हणून सुध्दा त्यांनी काम केलेले असून आदिवासी ठाकूर समाजातील अनेक संघटनांत ते काम करीत असून आदिवासी भागाचे प्रश्न आपल्या लेखणीद्वारे त्यांनी अधिक प्रभावीपणे मांडलेले आहेत या शिवाय कृषी, पशू विभागाचा त्यांचा दांडगा अनुभव असून शेती विषयांवर त्यांनी प्रचंड लिखाण केलेले आहे संघटन कौशल्य असलेल्या दिघा यांना पत्रकार संघटनेचे अध्यक्ष पद देताना अनेकांनी आपल्या भावना व्यक्त केल्या त्यांच्या यांनिवडीने त्यांचे सर्व स्तरांतून अभिनंदन होत आहे यावेळी सल्लागार पत्रकार हनिफ शेख, भगवान खैरनार, दीपक गायकवाड न्यानेश्वर पालवे, रमेश शिंदे, अमोल टोपले, सद्दाम शेख, बाळू गांगुर्डे, रघुनाथ गांगुर्डे,दयानंद शिंदे आदी पत्रकार मोठ्या संख्येने उपस्थित होते.
