आशाताई बच्छाव
आईंच्या पार्थिवावर नानांचा टाहो…
स्व. मिराबाई फाल्गुनराव पटोले अनंतात विलीन ; राज्यातील सर्वपक्षीय नेत्यांची शोकसभेत हजेरी
संजीव भांबोरे
भंडारा (जिल्हा प्रतिनिधी)कॉंग्रेसचे प्रदेशाध्यक्ष व साकोली आमदार नाना पटोले यांच्या मातोश्री मिराबाई फाल्गुनराव पटोले यांचे रविवारी ता. २९ डिसेंबर पहाटे वृद्धापकाळाने निधन झाले. त्यांचेवर अंतिम संस्कार स्वगावी सुकळी चुलबंद नदी घाटावर करण्यात आले. सुकळी स्वगावी आईंच्या पार्थिवावर आमदार नाना पटोले यांनी अक्षरशः टाहो फोडला. अश्रृमय झालेल्या नानांना काही राज्यातील आलेल्या नेत्यांनी त्यांना धीर दिला. तर अंत्ययात्रेतही नाना पटोले हे आपले अश्रु आवरू शकले नाही. साहजिकच आहे आईंच्या प्रेमळ कुशीत लहानाचे मोठे झालो, बोट धरून चालायला लागलो त्या मातोश्रींची सावली आज नाही हेच अश्रृमय दुःख याप्रसंगी नानांच्या चेह-यावर दिसत होते. दरम्यान दू. ०३ वा. शोकसभेला राज्यातील सर्वपक्षीय नेत्यांची उपस्थिती होती.
स्व. मिराबाई फाल्गुनराव पटोले यांचे निधनाचे वृत्त सोशल मिडीयातून कळताच साकोलीसह भंडारा, नागपूर अमरावती, गोंदिया, अकोला आणि महाराष्ट्रातील सर्व राजकीय पक्षांच्या नेत्यांनी सुकळी/महालगाव येथे लवकर येण्याचे केले. दूपारी ०२:३० ला निघालेल्या अंत्ययात्रेला जनसमुदाय लोटला होता. चुलबंद नदी घाटावर अंतिम संस्कार पश्चात घेण्यात आलेल्या शोकसभा व सामुदायिक श्रद्धांजली प्रसंगी माजी खासदार मधूकर कुकडे, खा. डॉ. प्रशांत पडोळे, माजी मंत्री नाना पंचबुद्धे, विपस आमदार डॉ. परीचय फुके, प्रदेश काँग्रेसचे कार्याध्यक्ष नाना गावंडे, माजी खा. सुनील मेंढे, माजी आ. चरण वाघमारे, अविनाश ब्राह्मणकर, डॉ. सोमदत्त करंजेकर, मध्यवर्ती बँकेचे अध्यक्ष सुनील फुंडे, कॉंग्रेस प्रवक्ते अतुल लोंढे, भंडारा कॉंग्रेसचे मोहन पंचभाई, माजी आमदार दिलीप बन्सोड, जि.प.स. मदन रामटेके, माहेश्वरी नेवारे, साकोलीचे डॉ. अशोक कापगते, दिलीप मासूरकर, छाया पटले, पुष्पा कापगते, नितीन खेडीकर, अश्विन नशिने, किशोर पोगडे, चंद्रकांत वडीकार, दिलीप निनावे, आनंद सोनवाने, अनिल मुरकुटे यांसह जिल्ह्यातील आणि नागपूर विभागातील सर्वपक्षीय नेते व विविध राजकीय पक्षांच्या पदाधिकाऱ्यांनी येथे उपस्थिती दर्शविली होती. शोकसभेला संचालन डॉ. अजयराव तुमसरे यांनी केले. साकोली – लवारी – उमरी – महालगांव – सुकळी – वडद – सावरबंद साकोली अश्या मार्गस्थ रोडवर वाहतूक व्यवस्था साकोली वाहतूक पोलीसांनी सांभाळली होती.
