नेवासे तालुक्यात नाताळ उत्साहात

आशाताई बच्छाव

नेवासे तालुक्यात नाताळ उत्साहात                         नेवासा -अहिल्यानगर कारभारी गव्हाणे प्रतिनिधी 

सोनई, चांदे, वडाळा बहिरोबा, घोडेगाव व तालुक्यातील विविध प्रमुख गावात ख्रिश्चन बांधवांनी आज नाताळ सणाच्या निमित्ताने विविध धार्मिक व सामाजिक कार्यक्रम साजरे करत आनंदाचा हा सण उत्साहात साजरा केला.
वडाळा येथील फेअर बँक मेमोरियल प्रार्थनास्थळी सण्डे स्कूलच्या विद्याथ्यर्थ्यांनी
मध्यरात्री येशू ख्रिस्त जन्माचा देखावा सादर केला होता. आज बुधवारी सकाळी साडेनऊ वाजता उपस्थित बांधवांनी भक्तीचा कार्यक्रम करून प्रार्थना केली. बारा वाजता उपासना झाल्यानंतर धर्मगुरु रजनीकांत साळवे यांचे मार्गदर्शन झाले. अनंत नायडू व स्वप्नील ओहोळ यांचे गीतगायन झाले. सचिव सुधीर गिरी, अशोक जेम्स व समाज बांधवांनी कार्यक्रम यशस्वी होण्यासाठी परिश्रम घेतले.
घोडेगाव, सोनई, चांदे, नेवासे येथील प्रार्थनास्थळी विविध धार्मिक कार्यक्रम व सामाजिक उपक्रम राबविण्यात येऊन भजन, मार्गदर्शन व सांस्कृतिक कार्यक्रम उत्साहात संपन्न झाले. प्रार्थनास्थळास आकर्षक विद्युत रोषणाई करण्यात आली होती. सर्वधर्मीय युवक व ग्रामस्थांनी ख्रिश्चन बांधवांना नाताळ सणाच्या शुभेच्छा दिल्या. शालेय विद्याथ्यर्थ्यांना खाऊ व मिठाईचे वाटप करण्यात आले.