आशाताई बच्छाव
जनता हायस्कूलच्या विद्यार्थ्यांनी लुटला निसर्ग सहलीचा आनंद
———————————————–
इनरव्हील क्लब ऑफ जालना मेन द्वारा विद्यार्थ्यांना स्वादिष्ट अल्पोहाराचे वितरण
———————————————
कोठारी इंटरनॅशनल ड्रीम इंग्लिश स्कूलचे संचालक विनयकुमार कोठारी यांनी सहलीसाठी स्कूल बस उपलब्ध करून दिल्या
प्रतिनिधी जालना -वसंतराव देशमुख
दिनांक 20/12/2024
जनता हायस्कूल जालना येथील शालेय विद्यार्थ्यांची निसर्गसहल आज दिनांक 20 डिसेंबर 2024 रोजी सकाळी दहा वाजता नाव्हा रोड येथील वन विभागात काढण्यात आली होती सदरील सहलीमध्ये पाचवी ते दहावीच्या विद्यार्थ्यांनी सहभाग घेतला होता शालेय विद्यार्थ्यांना शाळेपासून वन विभागात घेऊन जाणे व घेऊन येणे यासाठी कोठारी इंटरनॅशनल ड्रीम इंग्लिश स्कूलचे संचालक विनयकुमार कोठारी यांनी विनामूल्य स्कूल बस उपलब्ध करून दिल्या. विद्यार्थ्यांनी बिन भिंतीच्या उघड्या शाळेत निसर्गाचा मनमुराद आनंद लुटला यावेळी विद्यार्थ्यांनी अंताक्षरी, कविता गायन,डोके लढवा कोडी सोडवा यासह विविध खेळ याचा मनमुराद आनंद लुटला. निसर्ग सहलीत इनरव्हील क्लब ऑफ जालना मेनच्या अध्यक्षा सौ. मधुलता भक्कड, सचिव सौ. सुनिता मालपानी, सदस्या सौ. अपर्णा बागडी यांनी उपस्थित राहून विद्यार्थांशी संवाद साधून गरम समोसे व जिलेबी या स्वादिष्ट अल्पोपहाराचे वितरण केले.
यावेळी विद्यार्थ्यांना सदरील परिसरातील प्राणी, पक्षी व नैसर्गिक पाणवठे याची माहिती वनसेवक बी.डी. भाटसोडे यांनी करून दिली. सदरील परिसरातील शांततेत मुलांनी परिसरात मनसोक्त भटकंती चा आनंद घेऊन शेवटी सामूहिक वनभोजनाचा सर्वांनी आनंद लुटला सदरील सहलीच्या आयोजनासाठी वनपरिक्षेत्र अधिकारी के.डी. नागरगोजे, वनरक्षक बी.व्ही. घुगे, वनपाल एन.ई.राऊत यांचे विशेष सहकार्य लाभले
सहलीच्या यशस्वीतेसाठी मुख्याध्यापिका श्रीमती अनिता पवार, पवन जोशी, संतोष गंडाळ ,प्रभाकर सावंत ,बाबासाहेब पवार ,सुधीर वाघमारे ,संदीप तोडावत यांनी परिश्रम घेतले.
