आशाताई बच्छाव
फुगेवाडी, दापोडीत बीआरटीमुळे वाहतूक कोंडी..
पुणे ब्युरो चीफ; उमेश पाटील
पिंपरी (दि. १८ ऑगस्ट २०२४) :- फुगेवाडी, दापोडी येथे पुणे मुंबई महामार्गालगत मोठ्या चौकातील सिग्नलजवळ दिवसेंदिवस ट्रॅफिक जॅम होत आहे. वाहतूक विभागाने लक्ष घालून योग्य ते नियोजन करून ट्रॅफिक समस्या सोडवावी, अशी मागणी आम आदमी पार्टीचे माहिती अधिकार आघाडीचे शहराध्यक्ष यलाप्पा वालदोर यांनी निवेदनाद्वारे भोसरी वाहतूक विभागाकडे केली आहे.
सर्वात मोठा अडथळा हा बीआरटीमुळे होत आहे. याचा सामान्य वाहन चालकांना काहीही उपयोग काही. वाहन धारक अनेक टॅक्स भरून सुध्दा स्मार्ट सिटी म्हणवणाऱ्या या शहरात ट्रॅफिकची भयंकर समस्या निर्माण झाली आहे. ती केवळ बीआरटीमुळेच. रोडच्या कडेला मोजक्या काही व्यापाऱ्यांच्या धंद्याला आर्थिक नुकसानीची झळ बसू नये म्हणून कदाचित वाहतूक विभाग आणि बीआरटी विभाग कानाडोळा करीत असावेत. तसेच दापोडी येथील उड्डाणपुलावर दर शनिवारी आणि रविवारी नेहमी सर्रास गाड्या पार्क केल्या जातात, याकडेही ट्रॅफिक पोलिस लक्ष देत नाहीत.
भविष्यात या ट्रॅफिक समस्यांमुळे जर मोठा अपघात होऊन जीवितहानी झाल्यास यास सर्वस्वी पिंपरी वाहतूक विभाग जबाबदार असेल. योग्य ते नियोजन करून निर्णय घ्यावा, असे या निवेदनात म्हटले आहे.
