आशाताई बच्छाव
युवा मराठा न्यूज ब्रेकिंग
माहिती अधिकार कार्यकर्ता भारत चव्हाण यांच्यावर जीवघेणा हल्ला
डोक्यात रॉड टाकले
भयंकर रक्तस्त्राव
बुलढाणा, 10 जुलै तोंड बांधून आलेल्या चार ते पाच जणांनी माहिती अधिकार कार्यकर्ता भारत चव्हाण यांच्यावर जीवघेणा हल्ला केला आहे. जिल्हा परिषदेच्या मागील गल्लीत कऱ्हाळे एका तासापूर्वी यांच्या चहाच्या हॉटेलजवळ ते बेसावध असताना त्यांच्यावर हा हल्ला झाला. खूप मोठ्या प्रमाणावर त्यांच्या डोक्यातून रक्तस्त्राव झाल्याचे प्रत्यक्ष दर्शीनी सांगितले. रस्त्यावरही रक्त सांडले होते. यावेळी भारत चव्हाण यांच्यासोबत आणखी एक जण असल्याचे समजते. चव्हाण यांना वाचवित असताना त्यांनाही मार लागला असल्याचे बोलले जात आहे. हल्ला करून हल्लेखोर ताबडतोब फरार झाले. पोलीस तत्काळ घटनास्थळी दाखल झाले होते. गंभीर अवस्थेत त्यांना जिल्हा रुग्णालयात दाखल करण्यात आल्याचे समजते. भारत चव्हाण यांनी प्रशासनातील काही अधिकारी तसेच काही कर्मचाऱ्यांविरोधात माहितीच्या अधिकारा मधून भ्रष्टाचाराची प्रकरणे बाहेर काढली असल्यामुळेच त्यांच्यावर कुणीतरी डाव ठेवून हल्ला केला असावा असा अंदाज त्यांच्या समर्थकांनी व्यक्त केला आहे.
