आशाताई बच्छाव
बीडच्या शिवतीर्थावर ११० फूट उंचीचा शिवरायांचा भगवा झेंडा फडकणार!
मोहन चव्हाण
ब्युरो चीफ बीड जिल्हा
बीड दि:२३ जून २०२४ शहरातील छत्रपती शिवाजी महाराज चौकात ११० फूट उंचीचा बोल बसवून त्यावर शिवरायांचा भगवा ध्वज फडकवला जाणार आहे. यासाठी आज रविवारी मुख्याधिकारी नीता अंधारे यांनी जागेची पाहणी करून प्रत्यक्षात कामाला सुरुवात केली. यामुळे शिवप्रेमींकडून आनंद साजरा करण्यात येत आहे. शहरातील छत्रपती शिवाजी महाराज चौकात जाणता राजा छत्रपती अश्वरूड देखना पुतळा असून, यामुळे शहराचे वैभव समजते. येथेच चौकात आता ११० फूट उंचीचा पोल उभारून त्यावर स्वराज्याची साक्ष देणारा छत्रपती शिवाजी महाराजांचा भगवा ध्वज लावण्यात येणार आहे. यामुळे आणखीन चौकाची शोभा वाढणार आहे. यासाठी जागेची पाहणी बीड नगर परिषदेच्या मुख्याधिकारी निता अंधारे यांनी प्रत्यक्ष पाहणी करून कामाला सुरुवात करत असताना यावेळी बांधकाम अभियंता किरण देशमुख, पाणीपुरवठा अभियंता राहुल टाळके, स्वच्छता निरीक्षक भागवत जाधव, योगेश हाडे, यांच्यासह शिवप्रेमी मोठ्या संख्येने उपस्थित होते. यावेळी शिवप्रेमींकडुन मुख्याधिकारी निता अंधारे यांचे आभार मानत त्यांचा सत्कार करण्यात आला.
