आशाताई बच्छाव
वारकरी मंच नागपूर शहराच्या वतीने वारकरी अध्यात्मिक बाल सुसंस्कार शिबीरास प्रारंभ —
दैनिक युवा मराठा
रामभाऊ आवारे
निफाड नाशिक प्रतिनिधी
संत परंपरा वारकरी संप्रदाय आणि पंढरपूर वारी हा महाराष्ट्राचा अध्यात्मिक व सांस्कृतिक वारसा आहे. भावी पिढीला हा वारसा शास्त्र शुद्ध पद्धतीने मिळावा यासाठी या वर्षी उन्हाळी शिबिर मधे वारकरी मंच महाराष्ट्र राज्य नागपुर शहर कडून लहान मुलांसाठी उन्हाळी शिबीर म्हणजेच ” वारकरी आध्यात्मिक बाल सुसंस्कार शिबीर २०२४ उद्घाटन सोहळ्याचे आयोजन करण्यात आले होते.
तसेच या शिबिराच्या उद्घाटन सोहळ्याला प्रमूख पाहुणे अयोध्या भाग संघचालक मनोहररावजी सपकाळ आणि रोजगार व स्वयंरोजगार विभाग नागपूर जिल्हाध्यक्ष विनोदजी मिसाळ आपल्याला प्रमूख पाहूणे म्हणुन लाभलेले होते. या वेळीं मुलांना खरी जीवनाची सुरूवात योग्य वेळी कशी व कोठून करावी अशे मोलाचे मार्गदर्शन मनोहररावजी सपकाळ यांनी केलेत. त्याचप्रमाणे या युगात पाल्यांसाठी पालकांचे काय कर्तव्य आहे हि भूमिका घेऊन विनोदजी मिसाळ यांनी उद्बोधन केलेत व प्रमुख पाहुण्यांनी सर्व विद्यार्थ्यांना पुढील भविष्यासाठी खूप खूप शुभेच्छा दिल्यात.
या २२ दिवसीय आध्यात्मिक शिबिर मध्ये वारकरी हरिपाठ, श्लोक, प्राणायाम, योगासने, बौद्धिक खेळ, पुरातन वाद्यांचा अभ्यास, हस्तकला, प्राचीन शिवकला, गीत, भजने, पसायदान, सूर्यनमस्कार, राम रक्षा स्तोत्र, हनुमान चालीसा पठण इ. चे प्रशिक्षण देण्यात येणार आहे.
कार्यक्रमाचे आयोजन वारकरी मंच महाराष्ट्र राज्य नागपुर शहर पदाधिकारी आणि टीम विठ्ठल पदाधिकारी यांनी केलेले आहे. या वेळी शहर अध्यक्ष दिनेश कांबळे, टीम विठ्ठल पदाधिकारी दुशांत जूनघरे, रोहीत बूधे, सोहम पालोदे, नकुल पिंपळापुरे, भावेश बुरिले, तन्वी निलेश भेंडे तसेच टीम रामा पदाधिकारी उपस्थित होते. तसेच हा कार्यक्रम वारकरी मंच महाराष्ट्र राज्य नागपुर जिल्हा अध्यक्ष मयुर वाजगे यांच्या मार्गदर्शनाखाली घेण्यात आला.सदर कार्यक्रमाची माहिती प्रदेश प्रसिद्धी प्रमुख रामभाऊ आवारे (निफाड) यांनी प्रसिद्ध करुन संस्थापक अध्यक्ष ह भ प निलेश महाराज कोंडे/ देशमुख आळंदीकर ,उपाध्यक्ष बाबासाहेब मुरलीधर सोनटक्के, संघटक शरद कैलास आढाव तसेच वारकरी मंच सर्व पदाधिकाऱ्यांनी केलेल्या मार्गदर्शनाबद्दल सर्वांचे आभार मानले.
