आशाताई बच्छाव
सिल्ली येथील प्राथमिक शाळेत डॉ बाबासाहेब आंबेडकर यांची जयंती साजरी
संजीव भांबोरे
भंडारा( जिल्हा प्रतिनिधी) तालुक्यातील सिल्ली जिल्हा परिषद उच्च प्राथमिक शाळेत भारतरत्न बोधिसत्व डॉ बाबासाहेब आंबेडकर यांची 133 वी जयंती साजरी करण्यात आली .यावेळी विद्यार्थ्यांनी डॉ. बाबासाहेब आंबेडकर यांच्या जीवनावर प्रकाश टाकला. त्याचप्रमाणे भीम गीत सादरीकरण करण्यात आले .माणसाला जीवन जगण्यासाठी अन्नाची गरज असते त्याचप्रमाणे मनाला वाचनाची गरज आहे .वाचनाने मनुष्याचे मस्तक सशक्त होते आणि सशक्त मस्तक कुणापुढे नतमस्तक होत नाही .डॉ .बाबासाहेब आंबेडकर यांच्या वाचनाचा व्यासंग आपण आपल्या जीवनात अंगीकारता तरच आपले मन, मनगट आणि मेंदू सशक्त झाल्याशिवाय राहणार नाही. डॉ.बाबासाहेब आंबेडकर रोज 18 तास वाचन करत असायचे आपण सुद्धा आपल्यालाही सवय लावली तर आपण आपला विकास झाल्याशिवाय राहणार नाही. जात ,धर्म ,पंथ असा कोणताही भेद न पाळता मी प्रथम भारतीय आणि शेवटी भारतीय हे आपल्या हे आपल्या लक्षात ठेवलं पाहिजे अशाप्रकारेचेमनोगत विद्यार्थ्यांनी आपल्या भाषणातून मनोगत व्यक्त केले. कार्यक्रम यशस्वी करण्याकरता शाळेचे मुख्याध्यापक किरण मेश्राम यांनी मार्गदर्शन केले .यावेळी शाळेतील शिक्षक, शिक्षिका ,विद्यार्थिनी विद्यार्थि,प्रामुख्याने उपस्थित होते.