आशाताई बच्छाव
टाकळी (विंचूर) विद्यालयात डॉ बाबासाहेब आंबेडकर जयंती उत्सवात साजरी
दैनिक युवा मराठा
निफाड नाशिक प्रतिनिधी रामभाऊ आवारे
रयत शिक्षण संस्थेचे न्यू इंग्लिश स्कूल टाकळी विंचूर तालुका निफाड येथील विद्यालयात भारतीय राज्यघटनेचे शिल्पकार भारतरत्न डॉ बाबासाहेब आंबेडकर यांची जयंती मंगलमय वातावरणात साजरी करण्यात आली. भारतरत्न डॉ बाबासाहेब आंबेडकर यांच्या प्रतिमेचे पूजन विद्यालयाचे आदरणीय मुख्याध्यापक लभडे एस डी सर तसेच पालक प्रकाश रामभाऊ मोकाटे व सेवानिवृत्त क्रीडा शिक्षक श्री जाधव आर डब्लू सर व अश्पाकभाई शेख यांच्या हस्ते प्रतिमा पूजन करण्यात आले. याप्रसंगी विद्यालयाचे मुख्याध्यापक लभडे एस डी यांनी डॉ बाबासाहेब आंबेडकर यांच्या जीवनावर विचार व्यक्त करतांना सांगितले की, डाॅ बाबासाहेब आंबेडकर प्रसिद्ध भारतीय कायदेतज्ज्ञ, अर्थशास्त्रज्ञ, राजकारणी आणि समाजसुधारक होते. त्यांना भारतीय राज्यघटनेचे शिल्पकार आणि प्रजासत्ताक संस्थापकांपैकी एक म्हणून ओळखले जातात. त्याचबरोबर लोकशाही म्हणून भारताचे भविष्य घडविण्यात आणि सुनिश्चित करण्यात ही त्यांचे योगदान अतुलनीय मानले जाते. नशिबावर विश्वास ठेवण्यापेक्षा स्वताच्या ताकदीवर विश्वास ठेवा हे डॉ बाबासाहेब आंबेडकर यांचे विचार मांडले. याप्रसंगी विद्यालयाचे उपशिक्षक कनोज एन व्ही, आहिरे जे डी, मुदगुल एस एस, कदम एन आर, खैरनार एस एस व विद्यार्थी उपस्थित होते. कार्यक्रमाच्या शेवटी सर्वांना जयंतीच्या शुभेच्छा देवून कार्यक्रम संपला.
