आशाताई बच्छाव
खुनाच्या गुन्ह्यातील सहा वर्षापासून बेपत्ता आरोपी पोलीसांनी केला जेरबंद…
सिंदखेडराजा/चिखली (बुलढाणा युवा मराठा न्यूज मोताळा तालुका प्रतिनिधी संजय पन्हाळकर) पोलीस स्टेशन किनगाव राजा अंतर्गत वर्दडी येथील दाखल कलम 302 भादंवी खुनाच्या गुन्ह्यातील फरार आरोपी नामे विद्याधर शामसुंदर सोनकांबळे हा गुन्हा घडल्यापासुन गावातुन पोलीसांना चकमा देऊन सहा वर्षापासुन फरार झाला होता.
त्याला जेरबंद करण्यासाठी उपविपोअ दे राजा व किनगाव राजा यांच्या संयुक्त कारवाई मा. श्री. सुनिल कडासने पोलीस अधिक्षक साहेब बुलडाणा, मा. श्री. बी बी महामुनी अपर पोलीस अधिक्षक साहेब, बुलडाणा यांचे आदेशाने तसेच उपविभागीय पोलीस अधिकारी मनिषा कदम मॅडम, यांचे मार्गदर्शनाखाली व पोलीस स्टेशन किनगाव राजा ठाणेदार विनोद नरवाडे यांचे नेतृत्वात आरोपी शोध बाबत पोलीस स्टेशनला पथक तयार करण्यात आले. फरार आरोपी गावात येत असल्याबाबत गोपनिय माहीती मिळताच गोपनिय माहीतीच्या आधारे पथकातील पोलीस अंमलदार पोहेकॉ विलास काकड उपविपोअ कार्यालय दे राजा नापोकों विष्णु मुंढे, पोकों शिवाजी बारगजे, पोकों मिलींद सोनपसारे, गणेश वारकरी चालक पोकों अतिष सवडे यांनी गुन्ह्यातील सहा वर्षापासुन फरार आरोपी विद्याधर शामसुंदर सोनकांबळे वय 31 वर्ष रा. वदंडी बु// यास दिनांक 11/04/2024 रोजी 01/30 वा गुरूवार ला वर्दडी बु गावातील बसटँडवर नाकाबंदी करून ताब्यात घेऊन गुन्ह्यात अटक करण्यात आली.