आशाताई बच्छाव
एमपी, तेलंगणा बॉर्डरवर जीएसटी पथकाचा वॉच, वस्तू व सेवा कर विभाग लागला कामाला ४०अधिकारी१०० कर्मचाऱ्याद्वारे वाहन तपासणी.
____________
दैनिक युवा मराठा.
पी एन देशमुख
अमरावती जिल्हा विभागीय संपादक.
अमरावती.
अमरावती जिल्हा सिमेंसह व आंतरराज्य सीमेवरील मध्य प्रदेश व तेलंगाना बॉर्डरच्या नाक्यावर वस्तू व सेवा कर विभागाद्वारे वाहनाची तपासणी सुरू आहे. या विभागाचे४० अधिकारी व १०० कर्मचारी यांच्या पथकाद्वारे पाचवी जिल्ह्यातील चेक पोस्टवर वॉच आहे. मालाची वाहतूक करताना वस्तू व सेवा कर कायद्याच्या कलम ६८ व नियम १३८ आवश्यक असणारे योग्य टॅक्स इन्वहाॅइस व ई-वे बिल आहे किंवा नाही याची तपासणी विभागाच्या मोबाईल द्वारे ऑनलाईन पद्धतीने करण्यात येत आहे. मालाचे वजन, किंमत, संख्या, टॅक्स इन्व्हाईस व गाडीतील माल या तफावत किंवा त्रुटी आढळल्यास नियम १२९ नुसार कराच्या २०० टक्क्यापर्यंत दंड लावण्याची कठोर कारवाई विभागाचे अधिकारी करीत आहेत. विभागातील पाचही जिल्ह्यामध्ये ई-वे बिल तपासणी मोहीम या विभागाचे राज्य कर आयुक्त पोखरकर यांच्या मार्गदर्शनास सुरू आहे. अमरावती जिल्ह्यात नांदगाव टोल नाका, खरपी नाका, वरुड-रवाळा (एमपी बॉर्डर) पिंपळखुटा-केळापूर महाराष्ट्र तेलंगणा बॉर्डरवर पक्के तैनात असून वाहनाची कसून तपासणी होत आहे. या पथकाद्वारे तपासणी होत असल्याचे आमच्या प्रतिनिधीला समजले. अमरावती: मुंबईकडे जाणारा जुना राष्ट्रीय महामार्ग, यवतमाळ: नागपूर-नांदेड महामार्ग, अकोला: छत्रपती संभाजीनगर-जळगाव खान्देश-नागपूर महामार्ग, वाशिम: जालना-वाशिम राज्य महामार्ग.
