आशाताई बच्छाव
तथागत गौतम बुद्ध यांची थायलंड येथील भव्य मूर्तीचे दान
जालना (दिलीप बोंडे ब्युरो चीफ) : जालना तालुक्यातील तांदुळवाडी (खुर्द) येथील सम्राट कृषी फॉर्म येथील धम्मभूमी बुद्ध विहारात तथागत गौतम बुद्ध यांची भव्य मूर्ती थायलंड येथून मागवण्यात आले आहे . अखिल भारतीय भिक्खू संघाचे कार्याध्यक्ष भदन्त डॉ. उपगुप्त महाथेरो (पूर्णा) यांच्या मार्गदर्शनानुसार मागविण्यात आले . जालना शहरातील भाग्यनगर येथील रहिवाशी तथा धम्मउपासिका, सामाजिक कार्यकर्त्या भारती हेरकर यांच्याकडून धम्मभूमी विहारात तथागत गौतम बुद्ध यांच्या भव्य मूर्तीचे दान करण्यात आले तेव्हा सदर दानाचा स्विकार ट्रस्टीचे अध्यक्ष सुधाकर निकाळजे यांनी केला यावेळी रोहिदास गंगातीवरे, भारतीय बौद्ध महासभा जालना जिल्हा महासचिव संजय हेरकर, शेख अख्तर भाई, विजय हेरकर, अनुराधा संजय हेरकर, मंगल उभेकर, सुधाकर उभेकर यांची उपस्थिती होती . या दान पारमिताचे सर्वत्र कौतुक केले जात आहे.
