आशाताई बच्छाव
व्यसनमुक्ती संकल्प सोहळा व भव्य आरोग्य शिबीर शिबिराचे 8 मार्चला महादेवाच्या प्रतापगडावर आयोजन
गोंदिया( संजीव भांबोरे) मोरगाव अर्जुनी तालुक्यातील महादेवाच्या प्रतापगडावर कहालकर दुःख निवारक दवाखाना भंडारा शिवतीर्थ मानव कल्याणकारी बहुउद्देशीय संस्था व सत्यसाई संस्था भंडारा यांच्या संयुक्त विद्यमाने महाशिवरात्रीनिमित्त लाखो भाविकांचे श्रद्धास्थान असलेल्या महादेवाच्या प्रतापगडावर दि. 08 मार्चला एकदिवसीय व्यसनमुक्ती संकल्प सोहळा, शिव आराधना, व भव्य आरोग्य तपासणी शिबिराचे आयोजन करण्यात आले आहे.
शिवतीर्थ मानव कल्याणकारी बहुउद्देशीय संस्था खराशी, सिद्ध साक्षी आनंददाम किटाळी, कहालकर दुःखनिवारक दवाखाना भंडारा, सत्यसाई संस्था भंडारा, विजन अकॅडमी शाखा भंडारा व शाखा लाखनी, संत ज्ञानेश्वर माऊली सेवाश्रम टेकेपार यांच्या संयुक्त विद्यमाने दिनांक 8 मार्च ला हा उपक्रम सकाळी 8 वाजता पासून आयोजित करण्यात आलेला आहे. यात विविध आजारांबाबत तपासणी व रुग्णांना मोफत मार्गदर्शन करण्यात येणार आहे. तसेच औषधांचे वाटप सुद्धा केले जाणार आहे.
यासाठी संस्थेचे उपाध्यक्ष डॉ. अक्षय कहालकर, पंकज कहालकर, व्यसनमुक्तीचे आजीवन प्रचारक डमदेवजी कहालकर, सत्य साई संस्थानचे श्री. नागपुरे, श्री. माहुले, विजन अकॅडमी शाखा भंडारा व शाखा लाखनीचे प्रा. डॉ. खोब्रागडे, संस्थेचे अध्यक्ष प्रेषिताताई कहालकर, सचिव मीराताई कहालकर, सहसचिव रामदास कामठे, संचालक नरेश टिचकुले, शिरीष निर्वाण, प्रतापगडचे सरपंच भोजराज रोकडे, उपसरपंच उमेश मडावी आदी सहकार्य करीत आहेत.
