आशाताई बच्छाव
लासलगाव भाजपा मंडळातील 76 राम भक्तांचा आयोध्या धाम दर्शन दौरा संपन्न—-
दैनिक युवा मराठा
रामभाऊ आवारे निफाड
प्रभू श्री रामाचा जन्म अभिजीत मुहूर्त, मृगशीर्ष नक्षत्र, अमृत सिद्धी योग आणि सर्वार्थ सिद्धी योग यांच्या संगमावर झाला होता. हे सर्व योग २२ जानेवारी २०२४ ला पुन्हा एकदा एकत्र आले आणि जगभरातील हिंदुत्व रामल्ललाची जणू भक्तिमय लाट उसळली. प्राणप्रतिष्ठेच्या दिवशी हरी म्हणजेच विष्णू मुहूर्त आहे, जो ४१ वर्षांनी आला होता. याशिवाय त्या दिवशी सूर्योदयापासून दिवसभर सर्वार्थ सिद्धी योग आणि अमृत सिद्धी योग ही होता. अतिशय मंगलमय वातावरणात 500 वर्षाचा वनवास संपवत प्रभू श्रीराम आपल्या हक्काच्या घरात विराजमान झाले. भारताचे लाडके कर्तव्यदक्ष पंतप्रधान नरेंद्र भाई मोदीजी यांनी संकल्प केलेल्या श्रीराम मंदिर प्राणप्रतिष्ठा संपन्न झाली आणि देशभरातील रोज चे लाखो भक्तगण अयोध्या धाम दर्शनाला जाऊ लागले. आपली सामाजिक जबाबदारी ओळखत भाजपा जिल्हा अध्यक्ष शंकरराव वाघ यांच्या नेतृत्वात तर भाजपा लासलगाव मंडल अध्यक्ष निलेश जी सालकाडे, सरचिटणीस निलेश जी जगताप यांच्या आयोजनात लासलगाव भाजपा मंडलातील जवळपास 76 रामभक्त यांचा अयोध्या धाम दर्शन दौरा संपन्न झाला. विविध भागांतील पदाधिकारी यात सक्रिय सहभागी होते. येवला मंडल जिल्हा सरचिटणीस आनंद शिंदे, महिला चिटणीस मनीषा कुलकर्णी, लासलगाव मंडल पियुष बंब व इतर पदाधिकारी व रामभक्त दौऱ्यात सहभागी झाले.
