आशाताई बच्छाव
मराठी भाषा दिनानिमित्त मराठी शिक्षकांचा सत्कार करून मराठी भाषा दिन साजरा! अँड.मनोज संकाये
मोहन चव्हाण
ब्युरो चिफ बीड जिल्हा
बीड/परळी दि: २७ हा मराठी भाषा दिन म्हणून महाराष्ट्रामध्ये उत्साहात साजरा करण्यात येतो त्याचे औचित्य साधून येथील सामाजिक कार्यकर्ते अँड.मनोज संकाये यांच्या व मित्र मंडळाच्या वतीने मराठी भाषा दिन मराठी शिकवणाऱ्या शिक्षकांचा सत्कार करून उत्साहात साजरा करण्यात आला. विशेष म्हणजे परळी परिसरात मराठी शिक्षकांचा सत्कार करून दिन साजरा करण्याची पहिलीची वेळ आहे.
कविवर्य कुसुमाग्रज यांचा जयंती दिन हा मराठी भाषा दिन म्हणून साजरा करण्यात येतो त्यानिमित्ताने मराठी शिक्षक सुधाकर शिरसाट सर, श्रीहरी दहिफळे सर, प्रकाश मुंडे सर, शिवाजी मुंडे सर यांचा प्राथमिक स्वरूपामध्ये शाल श्रीफळ देऊन सत्कार करण्यात आला.महाराष्ट्रातील रहिवाशांनी मराठी भाषा ही जपली पाहिजे ते आपल्या सर्वांचे आद्य कर्तव्य आहे मराठी भाषेला राज्य भाषेचा दर्जा मिळावा अशी अपेक्षा त्यांनी व्यक्त केली. यावेळी राहुल कांदे, अनिल चौधरी, काशिनाथ सरवदे, शिवा बडे, संतोष चौधरी, शिवाजी शिंदे, बालासाहेब चाटे, मुंजाभाऊ साठे गजानन मुंडे आदी उपस्थित होते. कार्यक्रमाचे प्रस्ताविक अँड.मनोज संकाये यांनी केले तर सूत्रसंचालन शिवाजी मुंडे यांनी केले. तसेच शिरसाट सरांनी मनोगत व्यक्त केले.
