आशाताई बच्छाव
नाथ प्रतिष्ठाणच्या बक्षिस वितरणासाठी जहीर खान येणार परळीत
मोहन चव्हाण
ब्युरो चिफ बीड जिल्हा
बीड/परळी दि: २६ भारताचा सर्वोत्कृष्ट गोलंदाज राहिलेला जहीर खान नाथ प्रतिष्ठाणच्या बक्षिस वितरणासाठी ०३ मार्चला परळीमध्ये येणार आहे. कृषी मंत्री धनंजय मुंडे यांच्या नाथ प्रतिष्ठाणच्या वतीने दरवर्षी परळीत क्रीडा स्पर्धांचे आयोजन करण्यात येते. या स्पर्धेसाठी जिल्हा आणि राज्यातून अनेक स्पर्धक येत असतात. या स्पर्धेचा बक्षिस वितरणाचा कार्यक्रम रविवार दि: ०३ मार्च रोजी दुपारी ०२ वाजता होणार आहे. यासाठी जहीर खान यांची उपस्थिती राहणार असल्याची माहिती आहे. धनंजय मुंडे यांनी नाथ प्रतिष्ठानच्या माध्यमातून खेळाडूंच्या कलागुणांना वाव मिळावी यासाठी नामदार चषकाचे आयोजन केले होते. या स्पर्धेला उत्स्फूर्त प्रतिसाद लाभत आहे. ०३ मार्चला या स्पर्धेचे बक्षिस वितरण होणार असून यासाठी प्रमुख उपस्थिती म्हणून भारताचा सर्वोत्कृष्ट गोलंदाज राहिलेले जहीर खान येणार आहेत. दरवर्षी नाथ प्रतिष्ठाणच्या बक्षिस वितरणासाठी राज्यातील प्रतिष्ठित व्यक्ती येत असतात. कधी कलाकार तर कधी राजकीय व्यक्तींचा समावेश असतो. यंदा भारतीय संघातील सर्वोत्कृष्ट गोलंदाज जहीर खान यांना निमंत्रण देण्यात आले आहे. या बक्षिस वितरण समारंभाला नागरिकांनीही मोठ्या संख्येने उपस्थित राहावे असे आव्हान नाथ प्रतिष्ठाणच्या वतीने करण्यात आले आहे.