आशाताई बच्छाव
साखरा येथील शिवसामान्य ज्ञान स्पर्धेचा बक्षीस वितरण समारंभ संपन्न….
वाशिम जिल्हा प्रतिनिधी गोपाल तिवारी
साखरा येथील भारतरत्न अटल बिहारी वाजपेयी आंतरराष्ट्रीय जिल्हा परिषद प्राथमिक शाळा येथे दिनांक १९ फेब्रुवारी रोजी छत्रपती शिवाजी महाराजांच्या जयंतीच्या अनुषंगाने भव्य दिव्य अशी शिव सामान्य ज्ञान स्पर्धा घेण्यात आली होती.या स्पर्धेमध्ये वाशिम तालुक्यातील जवळपास अडीच हजार विद्यार्थ्यांनी सहभाग नोंदविला होता.इयत्ता १ ते ८ वीच्या दरम्यान दोन गटात ही परीक्षा पार पडल्याची माहिती स्पर्धा परीक्षा प्रकल्प प्रमुख मुख्याध्यापक कऱ्हे सर यांनी दिली.
सदरील स्पर्धा परीक्षेचा निकाल काल गाडगे महाराजांच्या जयंतीच औचित्य साधून जाहीर करण्यात आला.
बक्षीस वितरणाच्या कार्यक्रमांमध्ये अध्यक्ष म्हणून शाळा व्यवस्थापन समितीचे अध्यक्ष मा.राजेंद्र महाले, प्रमुख पाहुणे म्हणून गावचे सरपंच मा.पांडुरंग राऊत,उपसरपंच केशवजी ठाकरे,प्रा.पंढरी पाठे, सुखदेव राऊत,प्रमुख अतिथी म्हणून मा. साहेबरावजी उगले, मा.शिवाजी भागवत महाले, विठ्ठल इंगले, ज्ञानदेव इंगले, विठ्ठल भोयर, नारायण भोयर, आनंदा इंगले, दामु शास्त्री गावातील ज्येष्ठ नागरिक महिला व पुरुष मंडळी मोठ्या प्रमाणात त्या ठिकाणी उपस्थित होती.
सार्वजनिक शिवजयंती उत्सव समिती साखराचे संयोजक ऋषिकेश ठाकरे,गजानन इंगळे, जगदीश इंगळे, ज्ञानेश्वर ठाकरे, पवन धनूडे, गोपाल इंगले, ज्ञानेश्वर इंगले, देवा फोटोग्राफी चे ज्ञानु ठाकरे.ज्येष्ठ सहकारी व गावातील इतर सहकाऱ्यांच्या मदतीने परीक्षा उत्तमरीत्या पार पडली व त्याचा बक्षीस वितरण समारंभ मोठ्या आनंदात संपन्न झाला अशी माहिती संयोजक ऋषिकेश ठाकरे यांनी माध्यमांशी बोलताना दिली.