आशाताई बच्छाव
भगवान परशुराम जन्मोत्सव समितीच्या अध्यक्षपदी इंजि. श्रीपाद रत्नपारखी तर कार्याध्यक्ष अ‍ॅड. नरेंद्र देशपांडे
जालना/प्रतिनिधी दिलीप बोंडे
भगवान परशुराम जन्मोत्सव समिती 2024 च्या अध्यक्षपदी इंजि. श्रीपाद त्र्यंबकराव रत्नपारखी यांची तर कार्याध्यक्षपदी अ‍ॅड. नरेंद्र देशपांडे यांची एकमताने निवड करण्यात आली.
दरवर्षीप्रमाणे याही वर्षी भगवान भगवान परशुराम जन्मोत्सव धुमधडाक्यात साजरा करण्याचे नियोजन करण्यासाठी 12 फेब्रुवारी रोजी जूना जालना वटवृक्ष संस्थान प्राचीन जालना येथे समस्त ब्राह्मण समाजाची बैठक पार पडली.
यावेळी सर्वानुमते परशुराम जन्मोत्सव समिती गठीत करण्यात आली. ती पुढीलप्रमाणे. अध्यक्ष – इंजि. श्रीपाद रत्नपारखी, कार्याध्यक्ष अ‍ॅड. नरेंद्र देशपांडे, उपाध्यक्ष दिलीप दाणी . या बैठकीचे प्रास्ताविक अमोल मोहरीर यांनी केले. यावर्षी जन्मोत्सव निमित्त विविध सांस्कृतिक व सामाजिक उपक्रम राबविण्याचे बैठकीत सर्वानुमते ठरले.तर उर्वरित कार्यकारिणी लवकरच जाहीर करण्यात येईल असे नवनिर्वाचित अध्यक्ष श्रीपाद रत्नपारखी यांनी सांगितले. यावेळी विनायक महाराज फुलंब्रीकर, प्रकाश आचार्य, दिलीप देशपांडे, सुरेश मुळे प्रदीप मोहरीर, डॉ. संजय रुईखेडकर, शिवाजी जोशी, किरण मुळे, महेश वझरकर, पवन देशमुख, गणेश देशपांडे, विश्वंभर कुलकर्णी, मुकुंद कुलकर्णी, संतोष दाणी, संदीप देशपांडे आदिंची उपस्थिती होती. बैठकीचे सुत्रसंचलन अ‍ॅड. सुबोध किनगावकर यांनी केले व उपस्थितांचे आभार अ‍ॅड.विनोद कुलकर्णी यांनी मानले.
