आशाताई बच्छाव
शिव आहेत म्हणून आपण आहोत-साक्षीताई मुळे
आज पद्मीनीताई खराडे कीर्तन
जालना,(दिलीप बोंडे ब्युरो चीफ): अंबड रोडवरील उड्डाणपुलानजीक असलेल्या श्री संत शिरोमणी मन्मथ स्वामी मंदिरात अखंड शिवनाम सप्ताहात आज रविवारी रात्री शिभप पद्मीनीताई खराडे (लातूर) यांच्या कीर्तनाचा कार्यक्रम आयोजित करण्यात आल्याची माहिती समितीचे अध्यक्ष बंडुअप्पा परदेशी यांनी दिली. दरम्यान, काल रात्री साक्षीताई मुळे यांचे शिव कीर्तन झाले. त्यांनी आपल्या किर्तनातून समाजातील अंधश्रध्दा, रुढी परंपरांवर ताशेरे ओढतांनाच शिव आहेत म्हणून आपण असल्याचे सांगितले.
कै. दिलीपअप्पा खाकरे यांच्या प्रेरणेने सुरु असलेल्या या सप्ताहात दररोज धार्मिक कार्यक्रमांची रेलचेल पाहायला मिळत आहे. तर परमरहस्य पारायण व्यासपीठाचे प्रमुख शिभप रमेश महाराज लोणगावकर (राजूर) हे करत आहेत. यानिमित्त सकाळी 5 ते 6 यावेळेत काकडा, 6 ते 7 शिवपाठ, 7 ते 8 दरम्यान रुद्राभिषेक, 9 ते 11 या वेळेत ग्रंथराज परमरहस्य पारायण आणि 11.30 ते 1. 30 यावेळेत ॐ नम: शिवाय जप त्यानंतर आरती तर सायंकाळी 4 ते 5 यावेळेत परमरहस्यावरील प्रवचन आणि 5 ते 7 शिवपाठ तर रात्री 8.30 ते 10.30 या दरम्यान शिवकीर्तन होत आहे.
काल शुक्रवारी शिभप साक्षीताई मुळे (जालना) यांचे कीर्तन पार पडले. त्यांनी आपल्या कीर्तनातून समाजातील रुढी- परंपरांवर आघात केले. आता उद्या रविवार दि. 18 शिभप श्री. पद्मीनीताई खराडे, सोमवार दि. 19 रोजी ष.ब्र.108 शिवचैतन्य शिवाचार्य महाराज, मंगळवार दि. 20 फेब्रुवारी रोजी ष. ब्र. 108 विश्वचैतन्य शिवाचार्य महाराज यांचे किर्तन होणार आहे. तर दि. 21 रोजी सकाळी 8 ते 10 या वेळेत प्रसादाचे किर्तन ष.ब्र.108, सिध्दचैतन्य शिवाचार्य महराज साखरखेर्डा यांचे किर्तन होणार आहे. या सर्व कार्यक्रमांचा पंचक्रोशितील भाविकांनी लाभ घ्यावा असे आवाहन संयोजन समितीचे अध्यक्ष बंडुअप्पा परदेशी, दिगंबरअप्पा लाटकर