🙏💚 मनन चिंतन 🌹 विषय:- शुभ भावना व विश्व कल्याण.

आशाताई बच्छाव

🙏💚 मनन चिंतन 🌹

विषय:- शुभ भावना व विश्व कल्याण.

या घोर कलियुगी दुनियेत परिपूर्ण व्यक्तिमत्व मिळणं खूप अवघड, मीही अपूर्ण पैकीच एक. कारण एकेकाळी देवतुल्य असणारा आत्मा आज या सृष्टीवर पतित संस्काराचा अनुभव करीत आहे. त्यामुळं या प्रकृतीला सतोप्रधान बनवलं तरच यासर्व सुखाचा अनुभव आम्हाला पण घेता येईल.

थेंबे थेंबे तळे साचे ही म्हण आम्हाला ज्ञात आहे. म्हणजे आम्ही स्वतःच्या सूक्ष्म कर्मावर प्राधान्य द्यायला हवं. आपल्या हातून नकळत घडणाऱ्या निंदा, द्वेष, तिरस्कार या विकारी सूक्ष्म कर्माला सजगतेने फिल्टर लावायला हवा.

श्रेष्ठ कर्म हेच आहे की आपल्या बाबतीत इतरांच्या कडून ज्या आपल्या अपेक्षा असतात त्याचं आचरण स्वतः करायचं. उदा. समजा मी पादलो तर इतरांनी त्यावर हसू नये, दुर्लक्ष करावं ही आपली अपेक्षा असते. पण मग दुसरी व्यक्ती पादली तर आपल्याला हसू आपोआपच येतं व थोड्या वेळानं वाटतं हसायला नको होतं. पण हे सहज घडून जातं कारण पाठीमागील पूर्व 63 जन्मात हा sub-conscious माईंड (अवचेतंन मन, अंतर्मन) किंवा देहधारी आत्म्याच्या संस्कारात दृढ झालेलं असतं. सूक्ष्म अध्यात्म ज्ञान, ध्यान, सजगता, दृढ इच्छा शक्तीने या विकारांना डिलीट (सुप्तावस्थेत निष्क्रिय) करता येतं. त्यासाठी वैश्विक दया, करुणा, क्षमा, स्विकार, आदर, प्रेम भाव आपल्या आत्म्यात भरपूर सतत भरत जायला हवं.

आजची परिस्थिती अशी आहे की दुसरे जात्यात असतात तर आम्ही सुपात असतो. यावर माऊली इंद्रजित देशमुख काकांच्या व्याख्याना मधील एक वाक्य आठवतं, गुन्हेगार आम्ही पण आहोत पण आम्ही अजून सापडलो नाही.

ज्याला आम्ही चूक म्हणतो हा सगळा आमच्या दृष्टीकोन व प्रारब्धाचा खेळ असतो. म्हणून कोण चूक व कोण बरोबर हे शोधत बसण्यापेक्षा काय श्रेष्ठ व विश्व कल्याण कशात दडलंय यावर विचार, चिंतन, मंथन, आचरण करायला प्राधान्य द्यावं. तसेच जे चूक वाटतात व जिथं आपल्या अधिकार, कर्तव्य, मर्यादा क्षेत्राच्या पलीकडचं असतं तिथं त्यांच्या कर्म बंधनात अडकण्यापासून स्वतःला सावध करावे, पण त्या दुःखी आत्म्याच्या कल्याणासाठी शुभप्रेम व शक्तीची प्रकम्पणे (वायब्रेशन) निर्माण करण्याचं प्रॅक्टिस करायचं. निंदा करणं म्हणजे त्याचं कर्म प्रारब्ध यात आम्ही भागीदार होणं होय.

शेजारच्या मुलाने एखादया क्षेत्रात पुण्य कमावलं किंवा यश संपादन केलं तर ही गोड बातमी आम्ही किती जणांना सांगतो? पण त्याच मुलाने एखादा अपराध केला तर लोकांच्या हाताला पकडून पकडून आम्ही ते त्याला सांगायचा प्रयत्न करीत तर नाही ना? या माझ्याच सूक्ष्म कर्मावर सजग होऊन अशा आगीपासून स्वतःचे व इतरांचे कसे सरंक्षण करता येईल यावर शक्य झाले तर मंथन करता येईल.

याचाच अर्थ, नकारात्मक बातमीदार होण्यापासून स्वतःला अलिप्त ठेवायला हवं.

एखाद्या व्हाट्सएपच्या गटात आम्ही ऍडमिन व संयोजक यापैकी काहीच नसताना एखाद्या सदस्यांकडून गटात नियम उल्लंघन झाले असेल तर बऱ्याच वेळा इतर सदस्य गटातच तुटून पडतात याही सूक्ष्म व श्रेष्ठ कर्माबद्दल आम्ही विचार करायला हवा. त्यासाठी लॉ ऑफ ट्रान्सफॉर्मशन (माणूस बदलायला किंवा दृष्टीकोन श्रेष्ठ ठेवायला कधी व कसा प्रेरित होतो याचं अध्यात्म) यावर मनन चिंतन, प्रयोग, मंथन करून बॅलन्स उपाययोजनेला प्राधान्य देण्यात यावं.

श्रेष्ठ कर्म किंवा विवेक याबद्दल, शब्दबद्ध व्याख्या शास्त्र किंवा पुस्तकातुन पाठ करून चालणार नाही तर ती आत्मबोधातून आत्मसात करायची आहे.

कर्म न करणं हेही एक कर्मच आहे, म्हणून वृक्ष जसं स्वतःची मुळं व बुंधा प्रथम भक्कम करतं तेव्हाच फांद्या, पानं, फुलं, फळं देण्यास ते सक्षम बनतं अगदी तसंच हा जीवनप्रवास स्वतःला भक्कम बनविण्यासाठी प्राधान्य व समांतर जेवढा भार सोशेल तसं परमार्थ करायला हवा हा विवेक आहे.

संमोहन विद्या किंवा हिलींग साठी वरील सिद्धांत हा पाया असतो असे माझे चिंतनातून विचार आहेत.

जीव आजारी असतो याचा अर्थ प्रथम त्याला प्रेमाचे मलम हवे असते. इंग्रजीतील ILL शब्दाची फोड केली तर I LACK LOVE असा अर्थ निघतो. याचा अर्थ समोरच्या व्यक्तीला किंवा जीवाला निरपेक्ष प्रेम देण्यासाठी आमच्या कडे ते असायला हवे.

चहाच्या कपात जे असेल तर तेच बशीत येईल, कपात चहा असेल तर कपात कॉपी कशी येईल बरं.

जिथे दया, क्षमा, शांती, प्रेम तिथे देवाची वस्ती हे शब्द आम्ही ऐकलेच आहे. याचा अर्थ त्या दया, क्षमा, शांती, प्रेम, पवित्रता, आनंद, ज्ञान, शक्ती च्या सागर असलेल्या परम्यातम्याकडून हे दिव्य गुण प्राप्त करून इतरांना देणे म्हणजेच हिलींग करणे होय.

म्हणजेच विश्व कल्याण किंवा शुभ भावना होय.

यालाच आम्ही विश्वप्रार्थना म्हणतो.

🌹👀शिवाजी कणसे 8208870761🌲 कामोठे मुंबई 31.10.2020🔥सुधार-10.02.2024💥🌼🕉️🪔🌞🌹💚