आशाताई बच्छाव
राजेंद्र पाटील राऊत यांना “शिवछत्रपती सन्मान पुरस्कार २०२४ जाहिर
(प्रविण क्षीरसागर प्रतिनिधी)
मालेगाव-युवा मराठा महासंघाचे संस्थापक अध्यक्ष राजेंद्र पाटील राऊत यांना छावा जनक्रांती संघटना महाराष्ट्र तर्फे देण्यात येणारा “शिवछत्रपती सन्मान पुरस्कार २०२४”जाहिर झाला असून, या पुरस्काराची घोषणा आज शुक्रवार (दि.९ रोजी) छावा जनक्रांती संघटनेचे संस्थापक अध्यक्ष उद्योजक शरद (अण्णा) पवार यांनी केली.
समाजातल्या तळागाळातील लोकांसाठी निरपेक्ष व निस्वार्थ भावनेने स्वतः चा प्रपंच सांभाळून समाजसेवा करण-या व्यक्तींना हा पुरस्कार प्रदान करण्यात येतो.या वर्षी नाशिक येथे होणाऱ्या पुरस्कार वितरण सोहळ्यात पंच्याहत्तर पुरस्कार्थीचा सन्मान केला जाणार आहे. राजेंद्र पाटील राऊत यांनी स्वबळावर युवा मराठा महासंघाची स्थापना करून तळागाळातल्या अठरा पगड जाती धर्माच्या बारा बलुतेदारांची समाजसेवेच्या माध्यमातून सेवा केल्याने व पत्रकारितेतून अन्याय, अत्याचार, भ्रष्टाचार विरूद्ध सातत्याने आवाज उठविल्याने त्यांना हा पुरस्कार दिला जात असल्याचे छावा संघटनेच्या अँड अलका मोरे पाटील यांनी सांगितले.
रविवार दिनांक १८ फेब्रुवारी रोजी छत्रपती शिवाजी महाराज जयंती दिनाचे औचित्य साधून हा पुरस्कार खालील मान्यवरांच्या प्रमुख उपस्थितीत प्रदान केला जाणार आहे.डाँ.अनिरूध्द धर्माधिकारी, विलास पाटील संपादक सक्षम पोलिस टाईम्स, विलास सुर्यवंशी संपादक नाशिक स्टार न्यूज, मिलिंद सजगुरे संपादक दै पुढारी,अजय भोसले संपादक लक्ष महाराष्ट्र, दिलीप सुर्यवंशी संपादक आपलं महानगर,तर प्रकाश जगताप अध्यक्ष कल्याण वकील संघ पुरस्कार वितरण समारंभ नाशिक येथील कालिका मंदिर सभागृहात पार पडणार असल्याचे कळविण्यात आले आहे.
