राजेंद्र पाटील राऊत
सविता तावरे- मुंबई स्पेशल न्यूज रीपोर्टर
सोलापूर जिल्ह्यात काल असंख्य जनतेने अजितदादा पवार गटात केला पक्ष प्रवेश
काल 3 फेब्रुवारीला सोलापूर जिल्ह्यात उपमुख्यमंत्री माननीय अजितदादा पवार राष्ट्रपती भवन उद्घाटन आणि कार्यकर्ता संवाद साठी गेले असता सोलापूर मधील असंख्य जनतेने अजितदादा पवार गटाच्या राष्ट्रवादी काँग्रेसमध्ये पक्ष प्रवेश केला आहे. त्यामध्ये बिजू प्रधाने सह, माजी नगरसेवक सुभाष डांगे, माजी नगरसेविका मंदाकिनी तोडकरी, कल्पना क्षीरसागर या प्रमुख नेत्यांनी उपमुख्यमंत्री अजित पवार यांच्या उपस्थितीत राष्ट्रवादी काँग्रेसमध्ये प्रवेश केला आहे. मागील वर्षीच बिजू प्रधाने सह इतर मान्यवरांनी भारतीय जनता पार्टी व काँग्रेस पक्ष सोडून महेश कोठे यांच्या नेतृत्वावर विश्वास ठेवत राष्ट्रवादी काँग्रेसचे प्रदेशाध्यक्ष जयंत पाटील यांच्या नेतृत्वाखाली राष्ट्रवादीमध्ये प्रवेश केला होता हे प्रवेश म्हणजे माजी महापौर महेश कोठे यांना जोरदार धक्का मानला जात आहे. काल जुनी मिल कंपाउंडच्या मैदानावर झालेल्या शहराच्या मेळ्यात त्यांनी अजितदादा पवार व प्रदेशाध्यक्ष सुनील तटकरे, आमदार संजय मामा शिंदे, किसन जाधव मुख्य प्रवेश प्रवक्ते, उमेश पाटील शहराध्यक्ष संतोष पवार यांच्या प्रमुख उपस्थितीमध्ये राष्ट्रवादी काँग्रेसमध्ये प्रवेश केला आहे. तसेच काल त्यांनी भव्य रॅली काढून आपला राष्ट्रवादीत प्रवेश केल्याचे जाहीर केला आणि आपले विचार घराघरात पोचविण्याची ग्वाही दिली.