अंबानगरीत होणार भव्य दिव्य विजयग्रंथ सामूहिक पारायण सोहळा*

आशाताई बच्छाव

अंबानगरीत होणार भव्य दिव्य विजयग्रंथ सामूहिक पारायण सोहळा*
———–
दैनिक युवा मराठा.

पी एन देशमुख.
अमरावती जिल्हा विभागीय संपादक
हिंदूहृदय सम्राट बाळासाहेब ठाकरे जयंती महोत्सवानिमित्त शिवसेनेचे आयोजन
शिवसेनाप्रमुख हिंदूहृदय सम्राट बाळासाहेब ठाकरे यांची जयंती उत्साहात साजरी करण्यात येणार असून त्यानिमित्त आयोजित जयंती महोत्सवात अमरावती जिल्हा शिवसेना तर्फे विविध कार्यक्रमांचे आयोजन करण्यात आले आहे. या कार्यक्रमाचा एक भाग म्हणून अंबा नगरी अमरावतीत भव्य दिव्य असा विजयग्रंथ सामूहिक पारायण सोहळा येत्या गुरुवार दिनांक 25 जानेवारी रोजी होणार आहे .
शिवसेना जिल्हाप्रमुख सुनील खराटे यांच्या पुढाकारातून वंदनीय बाळासाहेब ठाकरे जयंती महोत्सव आयोजित करण्यात आला असून या महोत्सवामध्ये महिला मेळावा ,भव्य आरोग्य तपासणी व निदान शिबिर ,विविध स्पर्धा तसेच विजय ग्रंथ सामूहिक पारायण सोहळा अशा विविध कार्यक्रमांची भरमार राहणार आहे. 25 जानेवारी रोजी विजय ग्रंथ सामूहिक पारायण सोहळ्याने जयंती महोत्सवाचा प्रारंभ होणार असून महेश भवन समोर साईनगर, बेनाम चौक स्थित प्रांगणात हा भव्य दिव्य पारायण सोहळा होणार आहे. 25 जानेवारी रोजी रोजी सकाळी सात वाजता सामूहिक पारायण वाचन सोहळ्यास सुरुवात होऊन ते दुपारी तीन वाजेपर्यंत चालणार आहे .श्री गुरुपुष्याच्या योगावर होणाऱ्या सोहळ्यात पुणे येथील डॉक्टर गजानन खासनीस हे व्यासपीठावरून मुखोदगक्क पारायण वाचन करणार आहे.दुपारी चार वाजता महाप्रसादाने या सोहळ्याची सांगता होईल अशी माहिती कार्यक्रमाचे आयोजक शिवसेना जिल्हाप्रमुख सुनील खराटे यांनी एका प्रसिद्धी पत्रकारे पत्रकाद्वारे दिली आहे.
सदर विजय ग्रंथ सामूहिक पारायण सोहळ्यात हजारो अमरावतीकर गजानन भक्त सहभागी होऊन पारायण वाचन करणार आहे. तरी भाविक भक्तांनी सामूहिक पारायण सोहळ्यात सहभागी होऊन महाप्रसादाचा लाभ घ्यावा असे आवाहन शिवसेना जिल्हाप्रमुख सुनील खराटे यांनी केले आहे .