आशाताई बच्छाव
प्राचार्य सी.डी.रोटे कृतीशील क्रीडा मार्गदर्शक मुख्याध्यापक पुरस्काराने सन्मानित–
दैनिक युवा मराठा
रामभाऊ आवारे निफाड
रयत शिक्षण संस्थेच्या वनसगाव तालुका निफाड येथील श्री छत्रपती शिवाजी माध्य. व उच्च माध्यमिक विद्यालयाचे प्राचार्य सी.डी.रोटे यांना महाराष्ट्र क्रीडा दिनानिमित्त लाख मराठा प्रतिष्ठान व उत्तमराव जी ढिकले स्पोर्टस् फाऊंडेशन,नाशिक यांच्या वतीने आयोजित ऑलिम्पिक पदक विजेते स्व. खाशाबा जाधव यांचे वंशज रणजित जाधव (कराड, सातारा) यांच्या शुभहस्ते क्रीडा शिक्षक मुख्याध्यापक पुरस्कार देऊन गौरविण्यात आले.शुभमंगल कार्यालय,नाशिक येथे संपन्न झालेल्या या कार्यक्रमाच्या अध्यक्षस्थानी मा.हेमंत पांडे (अध्यक्ष, नाशिक जिल्हा मल्टी गेम असोसिएशन) तर प्रमुख अतिथी म्हणून मा.अशोक दुधारे (टोकियो ऑलिम्पिक गेम निरीक्षक) ,मा.आनंद खरे (शिव छत्रपती पुरस्कार विजेते ) व क्रीडा क्षेत्रातील मान्यवर तसेच नाशिक व नगर जिल्ह्यातील क्रीडा क्षेत्रातील मुख्याध्यापक उपस्थित होते.
प्राचार्य सी.डी.रोटे यांचे रयत शिक्षण संस्थेचे जनरल बॉडी सदस्य डॉ. सुजित जी गुंजाळ, शिक्षण प्रसारक मंडळ वनसगाव, स्थानिक स्कूल कमिटी,स्थानिक शिक्षण सल्लागार समिती, शाळा व्यवस्थापन समिती, पालक शिक्षक संघ, माता पालक संघ, विशाखा समिती, माजी विद्यार्थी, पत्रकार संघ, ग्रामस्थ ,पर्यवेक्षक के.बी.दरेकर , सर्व सेवकवृंद व विद्यार्थी यांनी अभिनंदन केले आहे.