आशाताई बच्छाव
देगलूर महाविद्यालयाच्या खेळाडूंची विद्यापीठाच्या संघात निवड.
देगलूर तालुका प्रतिनिधी,(गजानन शिंदे)
देगलुर येथील देगलुर महाविद्यालयातील एम.ए.द्वितीय वर्षाचा विद्यार्थी हिरेवाड बालाजी व बी.ए.प्रथम वर्षाची विद्यार्थिनी गुडूप शिवरानी या खेळाडूंची नांदेडच्या स्वामी रामानंद तीर्थ मराठवाडा विद्यापीठाच्या
अॅथलेटिक्स संघात निवड झाली आहे. येत्या २६ ते २९ डिसेंबर या कालावधीत ओडिसा राज्यातील भुवनेश्वर येथील कलिंग इन्स्टिट्यूट ऑफ इंडस्ट्रियल टेक्नॉलॉजी येथे आंतरविद्यापीठ अॅथलेटिक्स स्पर्धा होणार आहेत. या स्पर्धेत स्वामी रामानंद तीर्थ मराठवाडा विद्यापीठाचे प्रतिनिधित्व करण्यासाठी या
खेळाडूंचा विद्यापीठ संघात निवड झाली आहे. या दोन्ही खेळाडूंचे प्रशिक्षक प्रा. डॉ.निरज उपलंचवार हे असून तर प्रा.दिपक वावधाने व प्रा हाके सिताराम यांचे मार्गदर्शन लाभले. या खेळाडूंची विद्यापीठ संघात निवड झाल्याबद्दल अडत व्यापारी शिक्षण संस्थेचे अध्यक्ष प्रकाश पाटील बेंबरेकर, सचिव शशिकांत चिद्रावार ,उपाध्यक्ष नारायणराव मैलागीरे, सहसचिव सुर्यकांत नारलावार, कोषाध्यक्ष विलास तोटावार व कार्यकारिणी मंडळ सदस्य राजकुमार महाजन, डॉ कर्मवीर उंग्रतवार , जनार्दन चिद्रावार ,गंगाधर जोशी, रवींद्र अप्पा द्याडे. देवेंन्द्र मोतेवार , चंद्रकांत नारलावार,देगलुर महाविद्यालयाचे प्राचार्य डॉ. मोहन खताळ ,ऊपप्राचार्य डॉ अनिल चिद्रावार, उपप्राचार्य प्रा. ऊतमकुमार कांबळे , पर्यवेक्षक प्रा. संग्राम पाटील , कार्यालय अधीक्षक श्री गोविंद जोशी यांच्यासह सर्व प्राध्यापक, कर्मचारी व विद्यार्थ्यानी यांनी आभिनंदन केले आहे.