दारू विक्री बंद करण्यासाठी मेहूणबारे पोलीसांचे पथक

आशाताई बच्छाव

दारू विक्री बंद करण्यासाठी मेहूणबारे पोलीसांचे पथक

चाळीसगाव प्रतिनिधी विजय पाटील- मेहूणबारे पोलीस स्टेशन हद्दीतील अवैध दारू विक्रीच्या पार्श्वभूमीवर मेहूणबारे पोलीसांनी अवैध दारू विक्रीच्या विरोधात कारवाईचा धडाका लावला आहे. पोलीसांनी गेल्या तीन दिवसात देान गावठी हातभट्ट्यांवर कारवाई करून हजारो रूपयांचा दारू तयार करण्याचे रसायन जप्त केले. तर मेहूणबारे पोलीस व उत्पादन शुल्क विभागाच्या संयुक्त कारवाईत लोंढे येथील दोन हॉटेलवर छापा टाकण्यात येवून देशी विदेशी दारू जप्त करण्यात आली आहे.
तीन दिवसापूर्वी सायगाव येथे गिरणा नदीकाठावर असलेली हातभट्टी नष्ट केली होती.येथून सुमारे 40 हजार रूपयांचे कच्चे पक्के रसायन व तयार दारू जप्त केली होती. रहीपुरी शिवारात गिरणा नदीच्या काठावर झाडा झुडपांच्या आडोश्याला असलेल्या गावठी हातभट्टीवर पोलीसांनी 7 रोजी छापा टाकून सुमारे 27 हजार 500 रूपये किंमतीचे कच्चे पक्के रसायन व तयार गावठी दारू जप्त केली.
ही कारवाई एएसआय मिलींद शिंदे, पोकॉ. गोरख चकोर, गोकुळ लोहार, जितु परदेशी यांच्या पथकाने सहाय्यक निरीक्षक संदीप परदेशी यंाच्या मार्गदर्शनाखाली केली.याप्रकरणी सागर मोरे याच्या विरूद्ध मुंबई प्रोव्हीशन अॅ्नट कलम 65 (फ)(ब)(क)(ई)प्रमाणे गुन्हा दाखल करण्यात आला आहे.
मेहूणबारे पोलीस ठाण्याचे सहाय्यक निरीक्षक संदीप परदेशी,हवालदार मोहन सोनवणे, पोकॉ. भूषण पाटील व राज्य उत्पादन शुल्क विभागाचे पोलीस निरीक्षक आर आर पाटील व त्यांच्या सहकाऱ्यांनी संयुक्त कारवाई करत दरेगाव लोंढे गावातील देान हॉटेलांवर छापे टाकले असता तेथे अवैधरित्या देशी विदेशी दारू विक्री करतांना दोघे आढळून आले.या दोन कारवायात 3 हजार 410 रूपयांची देशी दारू जप्त करण्यात आली असून दोघांच्या विरोधात राज्य उत्पादन शुल्क कार्यालय चाळीसगाव येथे गुन्हे दाखल करण्यात आले आहे.