आशाताई बच्छाव
भारतातील कोरियन राजदूतांची दुर्ग दुर्गेश्वर रायगडास भेट.
बोरघर / माणगांव ( विश्वास गायकवाड ) बुधवार दिनांक २९ नोव्हेंबर २०२३ रोजी भारतातील कोरियन राजदूत श्री. चांग जे बोक त्यांच्या पत्नी व काही सहकाऱ्यांसमवेत आज स्वराज्याची राजधानी रायगड किल्ल्यास भेट दिली. दिल्ली. येथील दूतावासात राहणारे श्री. चांग जे बोक हे त्यांच्या पुणे प्रवासात आले होते, पुढे पोस्को महाराष्ट्र स्टील प्रा. लि. या कोरियन कंपनीत त्यांचा सदिच्छा प्रवास नियोजित होता. वरील योजनेत पाहुण्यांची उत्कंठा ओळखून कंपनीमधील व्यवस्थापनाने श्री. चांग जे बोक यांना छत्रपतींच्या राज्याच्या राजधानीचे धावते दर्शन घडविण्याची योजना बसवत इथल्या पावन व गौरवशाली इतिहासाची छोटीशी ओळख करून देण्याचा प्रयत्न केला. भारतीय पुरातत्व सर्वेक्षण विभागाचे अधिकारी, रायगड रोप वे प्रशासन अधिकारी व स्थानिक पोलीस प्रशासनही या व्यवस्थेत जातीने हजार होते. भारतीय पुरातत्व सर्वेक्षण विभागाच्या अधिकाऱ्यांनी रायगड किल्ल्याविषयी तसेच चालू असलेल्या नुतनीकरणाबद्दल माहिती दिली. पोस्को कंपनीचा व्यवसाय कोरियात अत्यंत महत्वाचा सरकारी व सार्वजनिक व्यवसाय असल्याने श्री. चांग जे बोक यांची ही भेट त्या दृष्टीने अत्यंत महत्वाची व भारतातील या व्यवसायाकरिता अत्यंत प्रेरणादायी होती.
श्री. चांग जे बोक यांनी त्यांच्या भेट अभिप्राय पर संदेशात “रायगडासारख्या अत्यंत प्रेरणादायी वास्तूचे आपण करत असलेल्या संवर्धन आणि संरक्षण कामाबद्दल आपले कौतुक व खूप खूप शुभेच्छा व मला या अत्यंत ऐतिहासिक महत्वाच्या ठिकाणाला भेट देता आली याबद्दल सर्व आयोजकांचे आभार” अशा भावपूर्ण शब्दात त्यांच्या भावना व्यक्त केल्या.