आशाताई बच्छाव
तुळशी वृंदावन भाविकांसाठी चालू करावे – ग्राहक पंचायतीची मागणी
सोलापूर जिल्हा Berochip ज्ञानेश्वर निकम युवा (मराठा न्यूज नेटवर्क)
पंढरपूर- तीर्थक्षेत्र पंढरपूर येथील बंद असलेले तुळशी वृंदावन भाविकांना पाहण्यासाठी लवकरात लवकर खुले करावे अशी मागणी अखिल भारतीय ग्राहक पंचायतीने वनविभागाच्या वनपरिक्षेत्र अधिकारी, पंढरपूर यांच्याकडे केली असल्याची माहिती जिल्हाअध्यक्ष शशिकांत यांनी दिली. तीर्थक्षेत्र पंढरपूर येथील येणाऱ्या भाविकांना, नागरिकांना पाण्यासाठी पर्यटन स्थळ म्हणून वन विभागाने तुळशी वृंदावनाची निर्मिती केली. त्यामध्ये महाराष्ट्रातील विविध संतांची मंदिरे, श्री विठ्ठलाला प्रिय असणाऱ्या विविध प्रकारच्या तुळशीचे लागवड, इतर फुलझाडे, तसेच संतांची चित्रे त्यांच्या कार्याची सविस्तर ओळख माहिती सर्वांना हवी त्याचबरोबर कारंजे, म्युझिक लाईट, त्याच परिसरात असलेल्या यमाय तलाव अशा प्रकारे भाविकांना आनंद मिळवण्यासाठी येथे प्रयत्न केले आहेत. मात्र काही महिन्यापूर्वी त्यातील काही मंदिरांची पडझड झाल्याने विकसित केलेले हे तुळशी वृंदावन मागील सहा महिन्यापासून बंद आहे. याबाबत वन विभागाकडे संपर्क साधला असतात तुळशी वृंदावन केव्हा सुरू होईल याबद्दलची निश्चित माहिती मिळू शकली नाही. फक्त सार्वजनिक बांधकाम विभागामार्फत दुरुस्तीचे काम चालू असल्याचे समजले. सध्या कार्तिक यात्रेसाठी विविध मार्गावरून भाविकांनी पंढरपूरसाठी प्रस्थान केलेले आहे. त्यामुळे पंढरपूर मध्ये भाविकांची गर्दी होत आहे. आलेल्या भाविक दर्शन घेऊन तुळशी वृंदावन पाण्यासाठी परी वर असे येथे जात आहे प्रत्यक्ष त्या ठिकाणी गेल्यानंतर तुळशी वृंदावन दुरुस्तीसाठी बंद ठेवण्यात आले आहे असा फलक पाहवयास मिळतो. सोबत असलेले लहान मुले महिला यांना मनस्ताप सहन करावा लागत आहे. त्यासाठी वन विभागाने तातडीने भाविकांसाठी तुळशी वृंदावन खुल्या करण्यात यावे. याबद्दलची वृत्तपत्रात प्रसिद्धी देऊन ही माहिती जनतेपर्यंत, भाविकांपर्यंत पोहोचवावी अशी मागणी प्रांत कोषाध्यक्ष विनोद भरते, जिल्हा संघटक दीपक इरकल, जिल्हा सचिव सुहास निकते तालुका अध्यक्ष विनय उपाध्ये, उपाध्यक्ष नंदकुमार देशपांडे केली आहे.
