आशाताई बच्छाव
एक डिसेंबरला होणाऱ्या सभेच्या पुर्व नियोजनासाठी
मराठा क्रांती मोर्चा व सकल मराठा समाजाची बैठक संपन्न
जालना (दिलीप बोंडे) ः मराठा समाजाला आरक्षण मिळावे या लढाईसाठी जिवाची पर्वा न करता लढणारे मराठा आरक्षणाचे संघर्षयोद्धे मनोज जरांगे पाटील यांची शुक्रवार दि. 1 डिसेंबर 2023 रोजी होणाऱ्या भव्य सभेच्या पुर्व नियोजनासाठी शहरातील मातोश्री लॉन्स, अंबड रोड येथे सकल मराठा समाज आणि मराठा क्रांती मोर्चा जालना जिल्हा यांची शनिवार दि. 18 नोव्हेंबर 2023 रोजी सकाळी 11 वाजता बैठकीचे आयोजन करण्यात आले असून समन्वयक, डॉक्टर, इंजिनिअर, शिक्षक, प्राध्यापक, व्यावसायिक, शेतकरी युवक बांधव, विविध सामाजिक संघटना, प्रतिष्ठीत व्यक्ती, कार्यकर्ते यांनी उपस्थित राहावे असे आवाहन सकल मराठा समाज आणि मराठा क्रांती मोर्चाने केले आहे.
या बैठकीला समाज बांधवानी मोठ्या संख्येने उपस्थित राहावे तसेच सर्व आठही तालुक्यातील स्वयंसमन्वयक यांनी जास्तीत जास्त संख्येने या बैठकीला उपस्थित राहुन आप-आपल्या सुचना कळवाव्या तसेच पुढील नियोजन समजुन घ्यावे. तसेच या सभेच्या अनुषंगाने सर्व नियोजनाचे जास्तीत जास्त प्रचार आणि प्रसार करावा असे आवाहन देखील सकल मराठा समाज आणि मराठा क्रांती मोर्च्या जालना जिल्हयाच्या वतीने करण्यात आले आहे.
