आशाताई बच्छाव
अवैध वाहतुक होत असलेला ४० क्वि.तांदुळ जप्त
करजगावात तहसिलदारांची कारवाई
सिरजगाव पोलीसात गुन्हा दाखल. (फोटो)
मयुर खापरे चादुंर बाजार
चांदूरबाजार तालुक्यातील करजगाव येथुन मोर्शीकडे तांदुळाची अवैध वाहतुक करणार्‍या मालवाहु वाहनातील ६५ कट्टे अंदाजे ४० क्वि. तांदुळ तहसिलदार गितांजली गरड यांचे नेतृत्वातील पथकाने जप्त करुन वाहन चालकावर सिरजगाव कसबा पोलीसात गुन्हा दाखल केला आहे.सदरची कारवाई शुक्रवारी सकाळी ७ वाजता करण्यात आली.हा तांदुळ करजगाव वरुन नेरपिंगळाई येथे नेला जात होता.सदरचा तांदुळ रेशनचा असल्याचा संशय व्यक्त केला जात आहे.
सध्या रेशनचा तांदुळ आणि गहु प्राधान्य व अंतोदय कार्ड धारकांना मोफत वितरण केला जात आहे.चांदूरबाजार तालुक्यात एकुण १४३ रेशन दुकाने आहेत.यात महिन्याकाठी तहसिल पुरवठा विभागाकडुन ९ हजार ५०० क्वि.गहु व तांदुळाचा रेशन दुकानांना पुरवठा केल्या जातो.त्यात तांदुळाचा सर्वाधिक ७ हजार ५०० क्वि. तांदुळाचा पुरवठा होतो.करजगावात रेशनची सहा दुकाने आहेत.तेथे ८०० क्वि. गहु व तांदुळाचा पुरवठा होतो.त्यात सर्वाधिक ६०० क्वि. तांदुळाचा पुरवठा होतो.
हे सर्व रेशन दुकानातुन वितरण होणारे धान्य प्राधान्यक्रम व अंतोदय कार्ड धारकांना मोफत दिले जाते.यात तांदुळाचे वाटप माणसी ४ किलो असल्याने तांदुळाचे वाटप अधिक प्रमाणात होते.यातील बरेचशे कार्डधारक रेशनमधुन मिळालेला तांदुळ बाजारात विक्री करीत असल्याची शक्यता व्यक्त होत आहे.याच प्रकारातुन हा तांदुळ करजगावात खरेदी करण्यात आला व नेरपिंगळाईच्या व्यापार्‍याने खरेदी केला असावा अशी शक्यता वर्तविण्यात येत आहे.
करजगाव येथे झालेल्या कारवातीत मालवाहु वाहन क्र.एम एच २३ बीएक्स ७६९२ या वाहनातुन ६५ कट्टे (४० क्वि.) तांदुळ जप्त करण्यात आला.सदरची कारवाई तहसिलदार गातांजली गरड,निरीक्षण अधिकारी रुपेश बिजेवार,गोदाम व्यवस्थापक राहुल केदारे,सुमेद सोनोने यांनी केली.तांदळाचे वाहन पोलीसात जमा केले असून सिरजगाव कसबा पोलीसांनी वाहन चालक गजानन गायकवाड नेरपिंगळाई ता.मोर्शी याला अटक करुन त्याचेवर जिवनावश्यक अधिनियम ३/७ नुसार गुन्हा दाखल करण्यात आल्याची माहीती पुरवठा विभागाकडुन देण्यात आली.
वाहन चालक गजानन गायकवाड याने पोलीसांना दिलेल्या बयानात सदरचा तांदूळ शेख जुबेर करजगाव यांचे कडुन खरेदी केला असून नेरपिंगळाई येथील पंकज बरडे यांचे कडे नेत असल्याचे सांगीतल्याची माहीती पुरवठा निरीक्षण अधिकारी रुपेश बिजेवार यांनी दिली.जप्त वाहन सिरजजगाव पोलिसात दिले असून पुढील तपास सिरजगाव कसबाचे ठाणेदार प्रविण कुरुळेकर यांचे मार्गदर्शनात सिरजगाव पोलीस करीत आहे.
