आशाताई बच्छाव
जालना बसस्थानक परिसरात महिला आणि मुलींसाठी शौचालय
तयार उभारावे ः शिवसेना महिला जिल्हा प्रमुख सौ. मंगल मेटकर
जालना (दिलीप बोंडे)ः जालना शहरातील बसस्थानक परिसरात महिला आणि मुलींसाठी शौचालय उभारण्यात यावे अशी मागणी शिवसेना जिल्हा प्रमुख महिला आघाडीच्या सौ. मंगल मेटकर यांनी जिल्हाधिकारी यांना दिलेल्या निवेदनाद्वारे केली आहे.
या संदर्भात दिलेल्या निवेदनात म्हटले आहे की, जालना शहरामध्ये एकच बस स्थानक असून या ठिकाणाहून संपूर्ण महाराष्ट्रभर प्रवासी बसने प्रवास करत आहे. तसेच महिला आणि मुली देखील या बसने मोठया प्रमाणात प्रवास करतात. परंतु जाला शहरातील या बसस्थानकामध्ये महिला व मुलींसाठी साध्या शौचालयाची व्यवस्था देखील नाही. बसची वाट पाहात थांबलेल्या महिला, मुलींना लघुशंकेसाठी, शौचालयासाठी मोठी अडचण निर्माण होत आहे. यामुळे महिलांना अनेक अडचणींचा सामना करावा लागत आहे. त्यामुळे बस स्थानक परिसरात महिला, मुलींसाठी सुलभ शौचालय तयार करण्यात यावे. अशी मागणी देखील या निवेदनात मंगल मेटकर यांनी केली आहे.
