आशाताई बच्छाव
चाळीसगावात पोलीसात तक्रार दिल्याच्या कारणातून तलवारीने हल्ला-एक गंभीर
चाळीसगाव प्रतिनिधी विजय पाटील- पोलीस स्टेशनला दिलेल्या तक्रार दिल्याच्या कारणातून चाळीसगाव येथे मंडप डेकोरेटर्सवर तलवार व कोयत्याने हल्ला करून गंभीर जखमी केल्याची घटना घडली आहे. याप्रकरणी माजी नगरसेवकासह पाच जणांच्या विरोधात चाळीसगाव शहर पोलीस स्टेशनला गुन्हा दाखल करण्यात आला आहे.
फिर्यादी अजय नाना पवार (28) रा. आनंदवाडी, चाळीसगाव यांनी दिलेल्या फिर्यादीत म्हटले आहे की, त्यांनी आरोपीतांच्या नातेवाईकाच्या विरोधात पोलीस ठाण्यात तक्रार नोंदवली होती. तसेच आरोपीच्या नातेवाईकाला मारहाण करण्याच्या कारणातून संशयित 5 जण व त्यांचे इतर दोन ते तीन अनोळखी साथीदार अशांनी गैरकायदा मंडळी जमवून फिर्यादीस शिवीगाळ केली.तसेच मारून टाकण्याची धमकी देत फिर्यादीच्या कमरेवर कोयत्याने तर पाठीवर तलवारीने वार करून गंभीर जखमी केले.तसेच लाथाबु्न्नयांनी मारहाण करून गंभीररित्या जखमी केले. तसेच जीवे ठार मारण्याचा प्रयत्न केला.ही घटना दि.25 ऑ्नटोबर रोजी रात्री 10.30 वाजेच्या सुमारास इच्छापुर्ती हनुमान मंदिराजवळ घडली.
याप्रकरणी अजय पवार यांनी दिलेल्या फिर्यादीवरून संशयित मालजी घोडे, रितेश मालजी घोडे,तुषार उर्फ चोंग्या जाधव,भोला अजबे, ऋषिकेश उर्फ मायकल पाटील यांच्यासह इतर दोन तीन अनोळखी मुले यांच्या विरोधात चाळीसगाव शहर पोलीस स्टेशनला भादंवि कलम 307,323,143,144,147,148,जिल्हा दंडाधिकारी यांच्या मनाई आदेशाचे उल्लंघन 37(1) प्रमाणे गुन्हा दाखल करण्यात आला आहे. तपास पोलीस निरीक्षक संदीप पाटील यांच्या मार्गदर्शनाखाली सहाय्यक निरीक्षक दीपक बिरारी करीत आहेत.
