आशाताई बच्छाव
पाणी सोडण्याच्या कारणातून सरपंचाला शिवीगाळ…
दोघांवर अट्रॅसिटी…
चाळीसगाव प्रतिनिधी विजय पाटील – ग्रामपंचायतीच्या पाणी पुरवठा कर्मचाऱ्याला सरपंचाने गावात पाणी सोडण्यास सांगितले असता या कर्मचाऱ्याने जातीवाचक शिवीगाळ केल्याची घटना शहराला लागून असलेल्या खडकी बुद्रूक येथे घडली. याप्रकरणी संशयित पाणी पुरवठा कर्मचाऱ्यासह दोघांच्या विरोधात चाळीसगाव शहर पोलीस स्टेशनला अॅट्रासिटीसह अन्य कलमान्वये गुन्हा दाखल करण्यात आला आहे.
याबाबत सरपंच सचिन गुलाब पवार यांनी चाळीसगाव शहर पोलीस स्टेशनला दिलेल्या फिर्यादीत म्हटले आहे की, संशयित तुषार तांबे हा खडकी ग्रामपंचायत मार्फत गावाला पाणी सोडण्याचे काम करतो.गावास पाणी सोडले नसल्याने त्यास पाणी सोडण्यास सांगितले. त्यास ग्रामपंचायतीमार्फत पाणी सोडण्याच्या कामावर घेण्याच्या कारणावरून तुषार याने आपणास(सरपंच सचिन गुलाब पवार)जातीवाचक शिवीगाळ केली.यावेळी पवार यांनी जातीवाचक शिवीगाळ करू नको असे म्हणाले असता तांबे याने तुला जे करायचे ते कर,मी कुणाला घाबरत नाही असा दम देत जातीवाचक शिवीगाळ केली. ही घटना मंगळवार दि.10 रोजी सायंकाळी साडे पाच वाजेच्या सुमारास खडकी बायपासवरील सलुनच्या दुकानात समोर घडली.तसेच चार महिन्यापूर्वी संशयित सुनील तांबे यानेही सरपंच पवार यांना जातीवाचक शिवीगाळ करत अपमान केला होता.
याप्रकरणी सरपंच सचिन पवार यांनी दिलेल्या फिर्यादीवरून संशयित तुषार तांबे व सुनील तांबे या दोघांच्या विरोधात अनुसूचीत जाती जमाती अत्याचार प्रतिबंधक कायदा 1989चे कलम 3(1)(आर)(एस),भादंवि कलम 504,506,510 प्रमाणे गुन्हा दाखल करण्यात आला आहे.तपास सहाय्यक पोलीस अधीक्षक अभयसिंग देशमुख करीत आहेत.
