🌸 पितृपक्ष🌸

आशाताई बच्छाव

🌸 पितृपक्ष🌸

🍱🦅
वडीलांचं रूप घेऊन
कावळा घरी आला
ताटातील मेनू पाहून
बोलाव वाटलं त्याला
🍱🦅
बरं नव्हतं तेव्हा कधीच
आणली नाहीस गोळी,
आज कशाला वाढतोस रे
ताटात पुरणाची पोळी!
🍱🦅
विनाकारण भांडत होता
दिसले खरे रूप,
कशाला वाढतो मला
आता गावरान तूप!
🍱🦅
चटणी वर तेलासाठी
होत नव्हता राजी,
कशाला वाढतो पात्रावर
वडे आणि भजी!!
🍱🦅
प्रेम नाही,जिव्हाळा नव्हता
नाही दिलीस साथ,
आज कशाला वाढतो रे
पात्रावर वरण भात!!
🍱🦅
गावाकडे मला ठेऊन
केली घराची वाटणी,
कशाला वाढतो पात्रावर
आज लोणचं चटणी!!
🍱🦅
हिस्सा वाटणीसाठी केली
बहिणी संगे दूरी,
आता काय उपयोग वाढून
पात्रावरती पुरी!!
🍱🦅
आयुष्यभर ठेवली रे
आईबापाबद्दल अढी,
आता कोण पिणार ती
द्रोणामधली कढी!!
🍱🦅
तुझ्यापासून वेगळं राह्यलो तेव्हा नाही
दिलास मला धिर,
आज कशाला वाढतो तू
पात्रावरती खिर!!
🍱🦅
सणासुदीला आणलं नाही
मला नवं कापड,
आता कशाला वाढतोय
कुरडई अन् पापड़!!
🍱🦅
आजारी असताना तू
धुतली ना सतरंजी,
आता कशाला वाढतो रे
पात्रावर करंजी!!
🍱🦅
जिवंत असतांना पोरा
दिले असतेस लक्ष,
तृप्त झाले असते पुर्वज
नसता पितृपक्ष!!
🍱🦅
पितरांचा मिळून तयार
होतो पितृपक्ष,
बऱ्याच घरात आज मात्र
झाला विरोधी पक्ष!!
🍱🦅
सांगतोय तू रहा सदैव
जेष्ठांप्रती दक्ष,
करावं तसं भरावं लागेल
इतिहास देईल साक्ष!!
🍱🦅
🌸🌸मातृपितृ देवोभव्🌸🌸🙏
👏🌹